Loma 12:15 - O Mikanda Ikola

¹⁵ Sangulukenu kumoxi ni iá a sanguluka, dilenu kumoxi ni iá a dila.

Loma 12:15 ပူးပေါင်းရင်းမြစ်များ

Nehemiia 1:4

Anga ki bhita kuma, eme mu kuívua o maka iá, nga xikama hanji anga ngi dila, anga ngi bhita izuua muene ni dilamba; anga ngi kuata kujila ni kusamba bhu pholo ia Nzambi ia diulu.

Jobe 2:11

O makamba a tatu a Jobe-phe, kioso kia zubha kuívua o kuiibha kuosʼuku kua lundulukila ku thandu diê, eza, muthu ua tundu bhu kididi kiê, muthu ua tundu bhu kididi kiê, enhá; Ilifaji mukua Temane; Bidade musuuita, ni Zofale mukua Nahama; hé a di kunda kuiza kumoxi mu ku mu hindula ni ku mu konda malamba.

Jobe 30:25

Manhi eme nga kambe kudila, ki nga mono muthu ua tate ni phaxi? Inga muenhu uami ki ua kexile ni dilamba kioso ki nga mono muthu ua bhindama?

Ndongixi 3:4

Sai thembu ia kudila ni thembu ia kuolela; thembu ia mukondo, ni thembu ia kutuka-tuka.

Jelemiia 38:12

Ebede-Meleke, mukua Itiiopia, anga uambela Jelemiia, uixi: Ta kindala o makoza iá, a kuka, a tandujuka, a bolo kiá, mu jihábia ja maku mé, mikolo i bhite ku thandu dia makoza. Jelemiia kiene kia bhange.

Jelemiia 9:1

Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Luka 1:58

Akua bhata ni jindandu jê, anga évua kuma Ngana ua mu vudixila o henda iê, anga ene oso a sanguluka-nê kumoxi.

Nzuá 11:19

Mukonda dia kiki, Jijudé javulu jeza kua Marta ni Madiia, mu ku a didisa o thambi ia phangʼ iâ.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

I Kolindo 12:26

O ki kala kidiandu kimoxi ki kata, idiandu ioso i katela-nê kumoxi. Se kidiandu kimoxi a ki zangeleka, idiandu ioso i tana-nê kumoxi. Ngeleja,

II Kolindo 11:29

Ki bhu kala muthu ua bhuila, eme uami ki ngi bhuidisa. Se bhu kala muthu u di bhala mu ituxi, eme-phe ki ngi tatesa kiavulu muene.

II Kolindo 2:3

Kiene ki nga ki sonekena mu mukanda uenhó. Kuma eme ki nga mesenene kuia, anga a mi kuatesa mukondo kuala athu ió a tokalele kuila ene a ngi sanguluisa. Kuma eme nga mi dielela kuila kioso eme ki ngi kala ni kuzediua, o ngalasa iami i kala ngalasa ienu enu oso.

Filipe 2:26

Kuma muène ua mʼindi ku mi mona enu oso, ua di suku kiavulu, mukonda mua mu ivu ni kukata.

Filipe 2:28

Epafrodito kiene ki nga lengulukila ku mu katula, phala ki muanda kudimona-nê mu sanguluke luamukuâ, eme uami o malamba ma ngi tebhunuke.

Jihebeleu 13:3

Lembalalenu oso ala ku malubhambu, kala enu uenu a mi kuikila-nâ kumoxi. Lembalalenu oso ala ku tala hadi, kala enu uenu mualù tala-nâ hadi kumoxi.