Loma 12:13 - O Mikanda Ikola

¹³ Muenda ni kubhindumuna o jiphange mua Ngana ni kioso ki muala na-kiu. Mu zalela jinga asonhi.

Loma 12:13 ပူးပေါင်းရင်းမြစ်များ

II Samuuele 17:29

ni uiki, ni matheka, ni jimbudi, ni heju ia lete ia ngombe, hé a i bhekela Davidi ni mundu uoso aia-nê phala kúdia, mbata exi: Mundu iú ala ni nzala ni dibhuilu, ni dinhota mu iangu ngó mu ala mumu.

II Jisobha 4:10

Tu mu tungile-phe kanzu kòfele ku thandu dia lumbu, o mueneʼomo tu mu tele-mu hama imoxi, ni meza, ni kialu, ni kandeia; ni tuʼie ni kuila: O kioso muene kieza kokuetu, uié mueneʼomo.

Jisálamu 41:1

U zediua o muthu ió uoso u xinganeka ngadiama; kuma mu kizuua kia dilamba, Jihova u mu kudila ue bhuoso bhua tatela.

Jisabhu 31:20

Ni lukuaku luê, u tambuisa uoso ua tate; o phulungu ua bhindama, u mu bhana muene, ka mu kotekela o maku mê, kana.

Matesu 25:35

Kuma eme nga kexile ni nzala, enu mua ngi bhana kúdia; nga kexile ni dinhota, enu mua ngi bhana kúnua; nga kexile ngi mosonhi, enu mua ngi langeka mu mabhata menu.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Jipoxolo 4:35

hé a i tula bhu inama ia Jipoxolo, o oso a bhindama, anga a a uanena jinga, kala muthu kioso kia tokala o kutata kuê.

Loma 12:8

Se ua kubhetula akuetu miẋima, tu a bhetule muene. Uoso u uana ni akuâ kioso ki ala na-kiu, a ki bhange ni muẋima uambote. Uoso uala ni ukota ua kutumina, a tumine ni muanu. Uoso u kuatekesa akuâ ni ku a bhanga mbote, a i bhange ni kusanguluka.

I Kolindo 16:15

Enu Setefano mua mu ijiia kiambote, kumoxi ni akua bhata diê,—ene o jikidistá ja dianga o kudiela ku Ngelésia, iá a te muẋima ku kikalakalu kia kudikila o athu a ngene a Nzambi. Enu phange jami, nga mi diondo-phe,

II Kolindo 9:1

Bu kaxi ni mukungu u muala kutumikisa phala kubindumuna akua Ngana ku Judeia, ki ki bhingi ngó ku mi sonekena.

II Kolindo 9:12

Kuma o kiki ki muala kubhangʼiki, ki ki bhandulula ngó o mundu ua Nzambi ua bhindama, maji ki bhekela ene kuximana kiavulu Nzambi.

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

Tito 1:8

A kale muthu u langeka asonhi, mukua kubindumuna, ua uabhela kubhanga mbote. Muthu ua tetuluka, mukua kidi, ua zele, ua di tumina muène.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Filemone 1:7

Kuma eme ngala ni ngalasa iavulu ni kutululuka mukonda dia henda ié, mukuetu, kuma iene ku ngi suinisa. Mukonda eie uene mu kubhetula o miẋima ia mundu ua akua-Ngana oso.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Jihebeleu 13:2

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

I Phetele 4:9

Dʼidikizienu usonhi mudienu, kala muthu a tambulule mukuâ mu bhata diê sé kuditata.

I Nzuá 3:17

Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?

III Nzuá 1:5

Kamba diami dia kazola, o kimbamba kia ufiiele ki uene mù bhanga, kioso ki uene mu kudikila o jiphangeʼojo, né kiá a kala asonhi, a tundu ku ixi ia dikanga.