Loma 12:11 - O Mikanda Ikola

¹¹ Ki mu kale mu asonde, inda kalakalenu kiasoko. Muenda ni kubhikila Ngana ni muẋima ua fulujuka.

Loma 12:11 ပူးပေါင်းရင်းမြစ်များ

Makatukilu 5:17

Kuala muene: Enu muala mu a asonde, mu asonde muene; kiene ki mua ki ambela kuma: Tuehe, tuia mu satela Jihova.

Jisabhu 10:26

Mukua ni mvindangele ki ia dizemba ni mazu, o dixi ki dia di-zemba ni mesu, kiene ue o musonde kia dizemba ni oso aia ni ku mu tuma.

Jisabhu 13:4

Muẋima ua musonde, uinda ngó maji ka mono kima; akua kukalakala makidikidi-phe, u sanga a neta.

Jisabhu 18:9

Mukua usudi, mu ukalakalelu uê, ua soko ni nzangi.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Jisabhu 31:15

Usuku hanji, muene uabalumuka kiá, iu uanena kiá akua dibhata diê o kúdia; abhikʼê a ahatu iu u a uanena kiá kia kubhanga.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izaía 56:10

Alangidiʼâ oso ala ifofo, kʼejiia kima; a di bhange jímbua ja mabubu, ja lémbua kubuza; jaii ku kilu, ja zeka, ja uabhèla kubôua.

Matesu 24:12

Mukonda dia úsueia kuvula, ku kala athu avulu, oʼhenda iâ i zonda.

Matesu 25:26

Kuala ngana iê-phe: Eie ua bhukumuka, u kilalu kia selevende! Eie ua ngʼijila kuila, bhuma ki nga kuu-bhu, bhene bhu ngi muna, bhuma ki nga phaphe-bhu, bhene bhu ngi bhongolola.

Jipoxolo 18:25

Muene ua di longo kiá kiavulu o Njila ia Ngana, mu kuzuela u fulujuka mu nzumbi, anga u tanga, u longa ni uhete o imbamba ia Jezú, maji uejiia ngó o batizu ia Nzuá.

Jipoxolo 20:19

Nga sedivila Ngana ni kubatâma kuoso, ni masoxi. O kieniokio, sumbala ni iluezu i nga bhiti na-iu mukonda dia Jijudé ku ngi ta ikutu.

I Kolindo 7:22

Kuma uoso a mu ixana kuala Ngana mu ubhika muala, ua biluka fôlo ia ngene ia Ngana. Kiene ue kimoxi o muthu uala fôlo a mu ixana kuala Kristu, uala mubhikʼ a ngene a Kristu.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

Kolose 4:1

Enu jingana, kalenu ni muanu ua kubhana abhikʼenu kioso kiaiuka kiasokela. Kuma muejiia kuila enu uenu sai Ngana ienu ku diulu.

I Timote 5:13

Kua di te dingi kuila a di longa usonde, hé a kuata kunhunga ngó inzu ni inzu. O kia beta dingi kuiibha, o kuila ku usonde ene a ta-ku dingi kabódio, a kala itoka, a zuela ima ki ia tokala.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 4:8

Mu ima ioso kotʼèlele o henda ienu mudienu i fulujuke, kuma henda i sueka nzungule ia ituxi.

Dijingunuinu 2:4

Maji-phe nga ku êlesa kima kimoxi: Kuila o henda ié i uandekele na-iu ua i xi. Ku ngi zolo dingi kala ku dimatekenu.