Loma 12:10 - O Mikanda Ikola

¹⁰ Di zodienu mudienu mu undandu uambote mua Kristu, o mu ujitu kala muthu a xile mukuâ.

Loma 12:10 ပူးပေါင်းရင်းမြစ်များ

Dimatekenu 13:9

Ixi ioso ki ii ia di zaleʼoio bhu pholo ié? Tu di uanunune-ze ni eie ni eme. Ki uila u di tela ku kiasu, eme ngile ku kúdia; ki uila u di tela ku kúdia, eme ngile ku kiasu.

Jobe 1:4

Anʼê anga a kuata kuila: Lelu aia mʼonzo ia iú, o mungu aia mʼonzo ia iuná, mu kubhanga fesa, kala muthu mu kizuua kiê, anga aia ni kuambela phange jâ ja ahetu kitatu, kuiza mu kúdia ni kúnua-nâ kumoxi.

Jisálamu 133:1

Kidi bá! kima kia fuama, kia di uabhela kiambote, ki u sanga jiphange a takana mu muẋima umoxi!

Jelemiia 38:12

Ebede-Meleke, mukua Itiiopia, anga uambela Jelemiia, uixi: Ta kindala o makoza iá, a kuka, a tandujuka, a bolo kiá, mu jihábia ja maku mé, mikolo i bhite ku thandu dia makoza. Jelemiia kiene kia bhange.

Matesu 20:26

Mudienu-phe ki ki kale kiki; uoso-phe mudienu ua mesena ukota, a kale ngàmba ienu.

Luka 14:10

Inda se a kuixana, eie uia hé u xikama kididi kia tolo. O kʼiza ió ua kuixana, u kuila: Kamba, banda dingi ku thandu. Kiókio eie-phe a ku muesa dingi ujitu bhu pholo ia akuenu oso u ua xikama-nâ ku meza.

Nzuá 15:17

Kala kiki, kienhiki ki nga mi tumu eme: Di zolienu mu dienu.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

Loma 13:7

Kala kiki, bhanenu-phe kua ene oso kioso ki mua tokala ku a bhana: Lubhaku kua ió ua tokala o lubhaku; dijimu kua ió ua tokala o dijimu; uôma kua ió ua tokala uôma; ujitu kua ió ua tokala o ujitu.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

Kolose 1:4

Kuma tuevu o kuxikana kuenu mua Kristu Jezú, ni henda ienu i mua kuatela akua Ngana oso.

I Tesalonika 4:9

O kia kukala ni henda ia jiphange a xikana, ki mu bhingi ngó muthu ku mi sonekena-kiu. Mbata enʼuenu mua di longo kiá kua Nzambi o ku di zola mudienu.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

Jihebeleu 13:1

O kudizola ni jiphange ki mu ku ehe.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 2:17

Mu xila athu oso. Di zodienu ni jiphange jenu mu kuxikana. Mu kala ni uôma ua Nzambi. Mu kala ni ujitu ua muenexi.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

II Phetele 1:7

o ku uôma ua Nzambi mu bandekeza-ku o ku di tuma ni jiphange, o ku ku di tuma ni jiphange mu bandekeza-ku o henda.

I Nzuá 4:11

Enu akuetu, tua mi zola, Nzambi se ua tena ku tu zola kiki, etu uetu tua fuama tu di zola mudietu.

I Nzuá 4:20

Muthu se uedi: Nga zolo Nzambi, hé u kala-phe mu zemba phangʼiê, muène mukua makutu. Kuma uoso u kamba kuzola phangʼiê, ua mu mono ni mesu, ka tena kuzola Nzambi kiluua a mu mona.