Loma 11:6 - O Mikanda Ikola

⁶ Kuma o kusola kuê kua tundu ku kiadi, ki ku tundu ku ikalakalu i bhanga athu. Mukonda se o kusola kua Nzambi, kua tundile ku ikalakalu ia athu, o kiadi kiê ki ki eji kukala kia kidi.

Loma 11:6 ပူးပေါင်းရင်းမြစ်များ

Luka 6:13

Ki kúkia, anga uixana jixibulu jê, u sola mudiâ kuinhi dia muthu ni kiiadi, anga u a luka uixi: Jipoxolo.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

Ngalásia 2:21

O kiadi kia Nzambi nguami ku ki tumbulula. Mbata o kulunga se ku kala kua Kitumu, Kristu-phe ua fuê ngó!

Ngalásia 5:4

Mua batuka kua Kristu, enu oso mua mu mesena kuila mu lungila mú kualuka o Kitumu. Ku kiadi kia Nzambi mua tokoka-ku.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

Tito 3:5

Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.