Loma 11:4 - O Mikanda Ikola

⁴ Nzambi-phe ua mu vutuilile kiebhi? Ua mu ambela, uixi: Hanji nga subhuka ni sambuadi dia midi ia muthu, kiluua a fukama phuna kua Bahale, o nzambi ia makutu.

Loma 11:4 ပူးပေါင်းရင်းမြစ်များ

I Jisobha 16:31

Anga ki bhita kuma (kifua ua fika kima kiofele kia bhange, kia kuenda mu ituxi ia ta jinga Jelobouamu, monʼa Nebate) u taku dingi o kusakana hanji ni muhatu a mu ixana Jezabele, monʼa Etibahale, sobha ia akua Sidonha; anga uia mu kubhikila o kiteka kia Bahale, ni ku ki fukamena bhu pholo iê.

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Jelemiia 19:5

Mbata a tungu matala ma Bale, mbé o kuoha anʼâ mu túbhia, uene mubhaku ua kuohela Bale; kima eme nuka nga a lekelelè-kiu, mba ku ki tanga, mba ngi ki banza ngó mu kilunji kiami.

Hozeia 13:1

Mʼokulu kioso Ifalaíme kia zuela jinga, athu a teketa; anga u kala muene ni ditala dia kijingo mua Izalaiele; maji muene-phe ua di bhale mu kuêla kua kubheza Baale anga ufua.

Hozeia 2:8

Mbata muene, ki kia mu tetulukila kuma eme nga mu bhele o masa, ni maluvu a kúnua, ni maji; eme nga mu vudixile o phalata ni ulu, ia zangela kua Baale.

Sofoniia 1:4

Nga kà sunununa lukuaku luami kua Juda mu kuzoka-nê, ni kua ene-oso a tungu mu Jeluzaleme, anga ngi zubha kujikinisa mu kididi kiki ió oso a subhuka kua Baale, ni dijina dia akua kubhakuila iteka ni jinganga jâ;

Dialuilu 25:3

Izalaiele kifua a di bande kua Baale-peole; njinda ia Jihova anga i uama ia kuatela Izalaiele.

Matendelelu 4:3

Mesu menu ma di muena kioso kia bhange Nzambi kua Bale-piiole; ni kioso Jihova Nzambi ienu kia jimi o mbutu kua ió oso a kexile muʼaxaxe kenu, mu kaiela Bale-piiole.

Afundixi 2:13

Kuma a xisa muene Jihova, hé a kala mu bhikila Baale ni Jitalote.