Loma 11:33 - O Mikanda Ikola

³³ O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Loma 11:33 ပူးပေါင်းရင်းမြစ်များ

Estere 2:22

Moledekai anga u kʼivua, u ki jimbuila na mvuale Estere; Estere anga u ki jimbuila muenexi mu dijina dia Moledekai.

Jobe 10:13

Maji ima iosuʼiii ua i sueka ku muẋima ué; nga kʼijiia muene kiambote kuma iene iosuʼiii eie-muène ua i solo.

Jobe 15:8

Mba uevu kioso Nzambi ki a te kikutu mu kasuèkele, o kuijiia eie ua di sukisa na-ku kiá ngó kokué?

Jobe 23:14

Mukonda o ioso iâ ngi xinda, muene ua-nda ku i kumbidila muene; ni ima dingi ia vulu, iala na-iu hanji muene, ia di fu kala iii.

Jobe 26:14

Iii-phe ngoho, kífua o mizumbu ia jinjila jê! i tuene mu kuívua kua muene iòfelefele ngoho! Nanhi-phe u tena kutongolola kibazu kia nzaji ia kutena kuê?

Jobe 33:13

Phalaʼhi u zoka ni muene, ni kuila uixi ioso i ngi bhanga ka-nda ku ngʼibhula kima?

Jobe 37:19

Tu longe kioso ki tua-nda ku mu tangela mukonda etu a tu kondoloka ku kitombe, ki tuala ni kima kia mbote ki tu tena ku mu tangela.

Jobe 37:23

Kua Muteni-a-Ioso ki tu tena ku mu bhiẋila; muene ukôla mu kutena kuê, maji-phe, mu kufundisa, o kidi kene mu ku ki lungulula.

Jobe 5:9

Muene u bhanga ima ia makota i bhonza ku ijiia, ni isunji iavulu ki i xikina ku i tanga.

Jobe 9:10

Uene mu bhanga ima ia makota ki i xikina ku i tongolola, ni isuma ikolakola ki i ẋikina ku i tanga.

Jisálamu 139:6

Nga diuana kuijiia ku kala kiki! kua ngi tundu, ki ngi tena-bhu!

Jisálamu 145:3

Jihova u kôla, ua tokala ku mu ximana kiavulu; o unéne uê kana muthu u tena ku u zubha ku u ijiia!

Jisálamu 36:6

o Kuiuka kué kua soko ni milundu ia makota; o kufundisa kué mukua ni musanza uazongo ua kalunga. Jihova, eie-muène u mukua kuinga o muthu ni kiama!

Jisálamu 40:5

Jihova, Nzambi iami, madiuanu mé mavulu mʼu ua kalakala, ni mabanzelu mé ma ku tu banza etu; kana-ku dingi muthu tu ku fika-nê; mabanzelu mé se tuambe ku a tanga ni ku a tumbula mu dimoxi-dimoxi, ki bhuala muthu u tena ku a kuata konda.

Jisálamu 77:19

Uendelu ué, Ngana, ua bhiti mu musanza ua kalunga, njila jé ji tandula mu kaxi ka mabhuku, manhanhu mé ka tena ku a mona.

Jisálamu 92:5

Ufunu ua ikalakalu ié, u Jihova, uahi ngó! o kubanza mu ikutu ia ixinganeku ié, mua zongo!

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Jisabhu 25:2

Kijingo kia Nzambi o ku kola kikutu mu kukondeka ima ioso; kijingophe kia jingana, o ku solokota ima ioso ia tokala kuijiia.

Jisabhu 25:3

Kia di leka o maúlo, kia zongo o ixi, kiene ue kia zongo o muẋima ua jingana u bhonza kuijiia ioso iala-mu.

Ndongixi 3:11

Ima ioso Nzambi ua i bhange ni kuuabha bhu thembu iê; iú ua zangula o mundu uene, iú ua u te mu muẋima uâ, maji o muthu ua lémbua kuijiia o kikalakalu kioso kia bhange Nzambi, tundé ku dimatekenu katé ku dizubhilu.

Ndongixi 7:24

O kima kia kexile-ku kiá, kiai muene dikanga, nanhi dingi u tena o ku ki sanga? O kia zongo ue, kia zongo muene, nanhi u tena ku ki tongolola?

Ndongixi 8:17

kiene ki nga mono o ibhangelu ioso ia Nzambi, eme nga tale kuila o ibhangelu ioso bhoxiʼabha muthu ka tena ku i tongolola; né-mbe o muthu u kalakala muene kia vulu phala o ku ijiia, né ngó, ka tena ku i tongolola; o njimu né uila uixi ngi sota ku ijiia, ki kiene ue ki mu bhekesa o ku ijiia.

Izaía 28:29

Ima ioso iii muene, i tunda kua Jihova dia Ilômbo Ieta; kuma kulongesa kuê-muène kua madiuanu, o kikalakalu kiê u ki bhanga ni kuijiia kuavulu.

Izaía 40:28

Manhi kua kʼijiia, kua kʼivua kuila o Nzambi ió uà kaiela-ku, muene Jihova, o Mubhangi a ixi ioso Katé ni jihota jê, kene kuzônda, kene kubhuila? O kilunji kiê ki bhuene muthu utena kuzubha ku ki ijiia?

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Loma 9:23

Kuma muène ua solo ue kuidikiza o unéne ua fuma iê ia lunduluila ku thandu dietu etu, a tu lendukila kuala muène, iú ua bhange mʼ ukulu munhá, phala ni tu tambule o fuma ienʼ ii.

I Kolindo 2:10

Maji etu-phe Nzambi ua tu tukuluila-iu kua Nzumbi iê. Kuma o Nzumbi u tungulula ima ioso, katé ni ima ia zongo ia sueka Nzambi.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Efezo 3:18

mu kale mu athu mua tena kutongolola kumoxi ni akua Ngana oso, kioso ki soka o kukula, ni kulebha, ni kuzonga, ni kitala,

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.