Loma 11:26 - O Mikanda Ikola

²⁶ Kienʼ iki kiene kiua o Izalaiele ioso ki ia kà bhuluka. Kala kia ki soneka mu Mikanda Ikôla, exi: Ku Ziione hadia ku tunda Mubhuludi, ua kà katula o ikuma ioso ia ió a tokala ku muiji ua Jakobo.

Loma 11:26 ပူးပေါင်းရင်းမြစ်များ

Jisálamu 106:47

Tu bhulule, tata, u Jihova, Nzambi ietu, u tu bhongolole dingi ku matumbu ku tua di muangena, phala tu sakidile dingi o dijina dié, tu kole kikóue kia ku ku ximana eie.

Jisálamu 14:7

Euá! Tamanu ku Ziione ku tunda kubhanduluka kua Izalaiele! Jihova hinu kia kà bhongolola jihutile jê ku makanga, Jakobo u tana-ku, o Izalaiele u sanguluka.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Izaía 59:20

Anga kua kèza Mukudi mu Ziione, ni kua iá oso mua Jakobo a diela nʼaxie itondalu iâ, Jihova ua ki tange.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Izekiiele 39:25

Kala kiki, o Jihova Nzambi uambe kiki, uixi: O ki-ndalʼiki, o jihutile ja Jakobo nga-nda kuiza-na-ju dingi, anga ngi kuatela henda o muiji uoso ua Izalaiele; o dijina diami dikola nga kà di kuatela muanu;

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.