Loma 11:25 - O Mikanda Ikola

²⁵ Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 11:25 ပူးပေါင်းရင်းမြစ်များ

Jisálamu 107:43

Uoso ua tongoloka muẋima a xinganeke o imʼiii, ende ni kubatekela kiambote o jihenda ja Jihova.

Jisálamu 127:1

Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisabhu 26:12

Eie ua mono muthu ua di fika njimu ku mesu mê muene? Muenhó, sembele o kiôua u mu dielela dikue muene.

Jisabhu 26:16

O Musonde ku muẋima uê kia di mona kuijiia, phala muene kota, sambuadi dia jihete ejiia kuvutula kiambote bhu maka, ku mesu mê ndenge,

Izaía 5:21

Lamba dia ió oso a di mona kuijiia ku mesu mâ ene, a di fika kudimuka ku mesu mâ-ene muene.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Loma 1:13

Enu phange jami, nga mesena mu kʼ ijiia kuma luavulu kiá nga solele kuia ku mi kunda ku mualʼ oko, maji katé ni kiki sai kia mu ngi fudisa jinga. Kuma nga mesena kuila kikalakalu kiami ki kale ni ibundu mu ʼaxaxe kenu, kala ki nga mono mu ʼaxaxe ka ió ki Jijudé, o akua jixi jamukuâ.

Loma 11:12

O kituxi kia Jijudé kia bheka mabesá mʼ onéne mu ngongo ioso, o uadiama uâ mu nzumbi ua bheka umoni phala oso ki Jijudé. O ku hadia-phe mabesá kuvula kuê kua kà soka kiebhi, kioso kia kà tenena o konda ia Jijudé ja kà bhongoloka dingi kua Nzambi!

Loma 11:24

Mukonda enu ki mu Jijudé mua di bhange kala lumbombo lua muxitu. Sumbala enu a mi batula ku mudiva ua muxitu ua di sabhukila, iá a mi bhange kima kene ku ki bhanga, a mi phaphe ku muxi uambote. O Jijudé a di bhange ene o mudiva ua kudima. Kala kiki, phala Nzambi, inda o jithangu jê-muène ji fuama ku ji phapha ku muxi uâ.

Loma 12:16

Kalenu ni muẋima umoxi mudienu ua ku di tuma kiambote. Ki mu di zangeleke ni ukumbu, maji mu xikina kubhanga ikalakalu ia kikexilu kiatolo.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

Loma 9:18

Uila kiki, Nzambi u lendukila uoso ua mu andala, o ka mu andala u mu kolesa o muẋima.

I Kolindo 10:1

Kuma nga mesena, enu jiphange, kuila mu xinganeka hanji kioso mʼ ukulu kia bhitile na-kiu o jitata jetu a kexi mù kaiela Mozé. Ene oso a bhitile moxʼ a dituta dia mvula, ene oso a bhitile mu kalunga kakusuka.

I Kolindo 12:1

O ki tu kuata ku maka ma mauhete ma tu bhana kuala o Nzumbi Ikôla: Enu jiphange, ki ngi mesena mu kamba kuijiia o kidi.

I Kolindo 2:7

Tu tanga-phe unjimu ua Nzambi mu kijinganu, unjimu ki u monekene mʼ ukulu, Nzambi-phe tunde xàhulu ua tu kanena-u, mu ku bhana fuma, kioso o ngongo kiluua ngó a i bhanga.

I Kolindo 4:1

Etu tua tokala kuila enu mu tu banza kuma tu jingunza ja Kristu, tu imbadi a tu tuika kulonga o kidi kia ijinganu ia Nzambi.

Efezo 1:9

ua kumbidila kia solele kubhanga, iú ua tu ijidisa o kikanenu kiê kia kasuèkele ki andalele kubhangela mua Kristu.

Efezo 3:9

Phala ue kuidikisa athu oso o kikutu kiki kia kexile kiòsueke tundé xàhulu kua Nzambi ua bhanga o ima ioso.

Efezo 4:18

Kuma ala athu a vundu mu ilunji. Mbata ene a sanduka ku muenhu u tunda kua Nzambi, mukonda dia kutobha kuala moxi diâ, ni mukonda dia kukola o miẋima iâ.

II Phetele 3:8

Inda kima kimoxʼiki-phe ki ki mi jimbe, enu akuetu, kuma: Kizuua kimoxi kua Ngana, mukuâ ni midi ia mivu, o midi ia mivu mukuâ ni kizuua kimoxi.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 10:7

Maji kioso-phe anju ia kasambuadi ki ia-nda kuxika o koloneta iê, kiene o Nzambi kia-ndu zubha kubhitisa o ima iê ia kasuekèle, uila kia tanga Muène ku jiselevende jê, o jipolofeta.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.