Loma 11:22 - O Mikanda Ikola

²² Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

Loma 11:22 ပူးပေါင်းရင်းမြစ်များ

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Izaía 66:14

Kiki mua-nda kubuingita kala mafe a kindemvuna; bhenhobho lukuaku lua Jihova luà fumanena ku jiselevende jê, muene ua kà thathamena o jinguma jê.

Izekiiele 18:24

Maji, o muthu ua iuka se u bhambuka mu kuiuka kuê, hé u ta ituxi, ni kubhanga isunji ioso kala ki bhanga mukua phulu, muthu ió mbe u kola muenhu? Makuiuka ê oso muene a bhanga jinga ki bhuà kala ku a xinganeka dingi; mu kutondala kuê kua tondala na-ku, ni mu kituxi kiê kia-te, muène mua kà fuila.

Izekiiele 3:20

Kiene ue kimoxi ni muthu ua iuka ki eha o kuiuka kuê anga u di-tela muengi, hé u bhanga kia iibha, anga eme ngi-ta ku pholo ie-muène kidibhukanu, muene ua kà fua muene; mukonda, o ki ua kambe eie o ku mu dimuna, muene ua kà fua mu kituxi kiê, o ima ioso ia kuiuka ia bhanga jinga ka kà i xinganeka dingi, maji o manhinga mê nga kà ebhula bhu lukuaku lué-eie.

Luka 8:15

O ia sonoka mu mavu mambote, oso évua maka ni muẋima ua kidi, ua uabha, anga a ma lunda, ema ibundu ni muanu.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 8:31

Jezú anga uambela Jijudé ja mu xikana muène, uixi: Se mu xalela mu mambu mami, mu kala mu kidi mu jixibulu jami;

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Loma 11:21

Kuma se Nzambi ka tenene kuehela o Jijudé edi kala jithangu ja di sabhukila ku muvide, mua fika kuila uanda ku mi ehela enu?

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

I Kolindo 15:2

O njimbu i nga mi tudila enu, iene o Njimbu Iambote. O mu Njimbu Iambote ienʼ iii muene mu mu bhulukila, se mua i naminina ni lujiji. Mba-phe mu ku i xikana kia mi-iê ngó, se o kuxikana kuenu kua ngoho ku muala na-ku.

Ngalásia 6:9

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

I Tesalonika 3:8

Kuma ki tualʼ iki, enu se mu kolokota mua Ngana, etu ue tu laia ni kidi muene.

Jihebeleu 10:23

Tu kolokotienu ni kufisala o kixikanu kietu sé kubhuila, kuma Nzambi ua tu bhana kizuelu uala fiiele.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

Jihebeleu 3:6

Maji-phe Kristu fiiele, kuma Mona mu dibhata dia Nzambi. Etu-phe tua kà kala tu dibhata diê, se tua jijila o kubhua uôma ni kudielela kuetu ku tua di fiiala ku kioso ki tua kinga, katé bhu disukilu.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

Dijingunuinu 2:5

Xinganeka ditala di ua di bhale, u diele o ituxi ié ni kubhanga ima ia tokala mu kuandekela! Ki u kamba ku ki bhanga, hinu ngi ku sanga hé ngi ku sondolola o kandeia bhu kididi, se u kamba kudiela.