Loma 11:15 - O Mikanda Ikola

¹⁵ Mukonda kioso o Jijudé kia a kaie, o mundu ua biluka makambʼ a Nzambi. Kia kà bhita-phe kiebhi hinu Jijudé kia kà a xikina dingi? Kia kà kala muenhu phala oso afu kiá!

Loma 11:15 ပူးပေါင်းရင်းမြစ်များ

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Luka 15:24

Mukonda monʼami iú ua fuile, lelu ua bhana o muenhu; ua texikile, lelu ua moneka. Anga a kuata kubhanga fesa!

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Loma 14:1

Uoso ua bhuila mu kuxikana kuê, mu tambuludienu mu ʼaxaxe kenu, maji ki mu mu kuatese jiphata mu kuxikana kuê.

Loma 14:3

Uoso-phe udia, ima ioso, ka tobhese ió u kamba kudia. O ió u kamba kudia, kelêse ió mukua kudia; mbata Nzambi ua mu tambulula.

Efezo 1:10

O kikanenu Nzambi kia kà bhanga, o kuila kioso hinu kia kà tenena o thembu, ima ioso, kixi ima ku diulu, kixi ima mu ngongo, i takanena mua Kristu, o mutue uâ.

Dijingunuinu 11:11

Maji kia bhiti-phe izuua itatu ni kaxaxe, o muha ua muenhu u tunda kua Nzambi hé u a bokona dingi mu thulu jâ, anga a fundumuka, emana nzànza. Ene oso a a mono, anga a bhuuama ni uôma uavulu!