Loma 11:1 - O Mikanda Ikola

¹ Kiene kia ngi bhangesa o kuibhula, ngixi: Manhi Nzambi ua ẋimbuka o muundu uê? Ki ki xikina! Kuma eme muene uami ngi mukua Izalaiele, nga tokala ku luvualu lua Mbalahamu, ku muiji ua Bejamí.

Loma 11:1 ပူးပေါင်းရင်းမြစ်များ

II Jisobha 23:27

Jihova anga uamba, uixi: O Juda ue nga-nda ku mu sondolola bhu pholo iami kala ki nga sondolola Izalaiele, o mbanza ia Jeluzaleme i nga tungula, ni inzu i nga tange, ngixi: Muene mua kà kala o dijina diami, nga-nda ku i ẋimbuka.

Jisálamu 77:7

Manhi Ngana ua tu texila-ku kiá? Mbé ka xikina dingi ku mu bhomba?

Jisálamu 94:14

Kuma Jihova ka tena kusenga o mundu uê, muene ka tena kuehelela o undundu uê.

Hozeia 9:17

Nzambi iami ua-nda ku a ta kiá dikunda, mukonda ene ka mu xikina ku mu ivua kia zuela. A kʼenda ni kutakujuka ngó muʼaxaxe ka akua jixi jengi.

Luka 20:16

Ua-nda kuiza mu ku buidisa o idimakaji ieneʼoio ni a bhane díbhia ku athu engi. Ene ki evu kiki, exi: Ai-uê! Thamanu ki ki bhite.

Jipoxolo 22:3

Eme ngala ngi Judé, a ngi vualela mu Talaso, ku Silisia, a ngi sasela-phe mu mbanza ia Jeluzaleme muenʼiumu, bhu inama ia mesene Ngamadiiele. A ngi longo ni muanu uoso mu Kitumu kia jitata jetu, hé ngi kala mu suinisa Nzambi, uila enu oso ue ki mua mu suinina leluʼ idi.

Jipoxolo 26:4

O kikexilu kiami tunde undenge, Jijudé joso a kʼ ijiia. Ejiia ue kuma tundeʼ ami undenge nga kudila mʼoxi iami muène mu ʼaxaxe ka kifuẋi kietu, ni mu Jeluzaleme.

Loma 11:11

Kiki ngʼ ibhula ngixi-phe: Ene kia di bhaleʼ okio, manhi endelela nzaká? Ki ki xikina! Maji o kibhalu kiâ, mu ituxi, kia bhekela akua jixi jengi ki Jijudé o kubhuluka, phala o Jijudé ku a kuatesa difuba.

Loma 3:4

Ki ki xikina! Nzambi a kale mukua kidi, né-mbé athu oso a kala akua makutu. Kala kia ki soneka mu Mikanda ia Ngana, exi: Eie phala u lunge ki u zuela mu kufunda, u belese, ki u kuata ku mulonga.

Loma 9:3

Ngeji kuinda kuila eme-muene a ngi ta mazui kua Nzambi ni ku ngi kaia kua Kristu, bhu kididi kiâ ene jiphange jami, jindandu jami mu xitu.

II Kolindo 11:22

Kifua ene jihebeleu? Ni eme uami. Manhi akua izalaiele? Ni eme uami. Kifua ene o luvualu lua Mbalahamu? Ni eme uami.

Filipe 3:5

Ngi muthu a ngi saia mu kizuua kia kanake, tunde bhu kumbi dia ku ngi vuala. Nga tundu ku mbutu ia Izalaiele, ku muiji ua Bejami, ngi Hebeleu ia kidi mu ʼaxaxe ka Jihebeleu. Mù kuibhula ki kala o kukumbidila Kitumu kia Jijudé, eme nga kexile ngi Falizé.

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.