Loma 10:8 - O Mikanda Ikola

⁸ Kuambe kuila: O kizuelu kia Nzambi kia ku zukama, ki ala mu kanu dié ni mu muẋima ué—kiene-phe o kizuelu kia kuxikana ki tuene mù kola.

Loma 10:8 ပူးပေါင်းရင်းမြစ်များ

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Jipoxolo 10:43

Muenʼiú ni jipolofeta joso ja mu kala jimbangi, kuma ene a mu tange kuila uoso u mu xikana, u tambula muloloko ua ituxi mu dijina diê.

Jipoxolo 16:31

Kuala ene: Xikana Ngana Jezú, nda u bhuluke, ni eie ni mbèle ié.

Loma 10:17

Mu kieniiki o kuxikana kuijiia mù kuivua o hundu, o kuivua o hundu, kuijiia ku Njimbu Iambote ia Kristu. Mu kieniiki, o kuxikana kuijiia mù kuivua o ngolokela, o kuivua o ngolokela, kuijiia ku Njimbu Iambote ia Kristu.

Ngalásia 3:2

Nga mʼ ibhula ngó kima kimoxi: Enu o Nzumbi ia Nzambi mua mu tambuila mu kubhanga o imbamba ia Kitumu, inga mua mu tambuila mù kuivua ni kuxikana o Njimbu Iambote?

Ngalásia 3:5

Manhi o Nzambi mukua ku mi tambuisa o Nzumbi iê, hé u bhanga madiuanu mu ʼaxaxe kenu, kifua ua ki bhangela mukonda enu mualù bhanga ia tumu o Kitumu? Inga ua ki bhangela mukonda enu meuvu, enu mua xikana o maka ma Njimbu Iambote?

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

Matendelelu 30:14

Mbata o kizuelu kiki kia ku kala muene bhua zukama, mu kanu dié-muène mu ki ala, ni mu mu muxima ué phala u tene ku ki bhanga jinga.

I Timote 4:6

Ki u lembalesa ima ienhiʼii ku jiphange ja xikana, u kala u ngunza iambote ia Jezú Kristu, se u di sanza mu maka ma kuxikana mu ua kudila, ni mu ulongelu uambote u uene kukaiela.

I Phetele 1:23

Mbata enu, mukonda dia maka ma Nzambi, ma xalela-ku, muala ni muenhu, muala mu athu a mi vuala dingi, kana ku mbutu ia kumbama ia jitata ji fua, maji ku mbutu ia disanze, ia Tata, ki itena dingi kufua.

I Phetele 1:25

maji o Maka ma Ngana-phe ma xalelà-ku. Mene-phe o makʼama ma Jingolokela Jambote ja mi tudila enu.