Loma 10:3 - O Mikanda Ikola

³ Edi ni kukamba kuijiia o kulunga kua Nzambi kuijiia mu kuxikana, ni kubhindamanea o ku di lungisa mu kidifua kiâ ene, iá a ditunu kubelesela o kidifua ki bhangesa Nzambi kuẋikina muthu ni, ku mu lungisa.

Loma 10:3 ပူးပေါင်းရင်းမြစ်များ

Nehemiia 9:33

Maji, Eie-phe Ngana, mu ima ioso iala kuiza ku thandu dietu, ua lunguʼê; mukonda o kuiuka kué kuene kua ku bhangesa-kiu, etu o kubhuma kuetu kuoso kuene kua tu bhangesa o ima iii.

Jobe 33:27

Ua kà tala ku athu anga u zuela, uixi: Nga te kituxi, o kuiuka nga ku tondala, o kuene ki ngi katula-ku ngó kima, o Nzambi ue ka ngi vutuila kia fuama o ikuma iami.

Jisálamu 71:19

O kukumbidila kué, Ngana Nzambi, ditala diê dia di leka kinéne; o imbamba i ua bhange, iene ioso iónene! Eie u Nzambi, mukuenu uebhi, soka-nê?

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 51:6

Bhetulenu mesu menu ku maúlu, zongolenu mu ngongo bhoxi: kuma maúlu ma-nda kujimuka-ku kala dixi, oxi ue ia-nda kukuka mukuâ ni kizuatu; oso a tunga-mu a-nda ku di-fuila kiòmuene kala ki fua o jihamue; maji o ubhulukilu uami ua kà xalèla-ku, o uiukilu uami ki u xikina ku u buisa-ku.

Izaía 51:8

Kuma axikamena ku a kesa kala kabamba ki ka kesa o kizuatu, makèke ma-nda ku a dia kala kia dia o lã; maji o uiukilu uami ua kà xalèla katé ku hádia ni hádia; o ubhulukilu uami kutunda muiji kuiza muiji.

Izaía 56:1

Jihova, uambe kiki: Kuatenu kilunji, mu bhange ima ia iuka, mbata kubhuluka kuami kua zukama, kufundisa kuami kua-nda kutukuluka kiá.

Izaía 57:12

Eme nga-nda kutadika kuiuka kué, ni ikalakalu ié ia kingoho ki ia-nda ku ku bhandulula ni kima.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Kuditenda 3:22

Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Ijila 26:41

Eme uami, mu kuenda-nâ ene, nga a balukila jinga ʼte ki nga a tande mʼoxi ia jinguma jâ; bhenhobho-phe se o muxima uâ ua dibôlo u di tululula, anga o kibetuʼiki kia ikuma iâ a di ẋikina na-kiu, kuamba kia a fuama,

Luka 10:29

O mesene ia Kitumu-phe mukonda uandala ku di bhembula, uambela Jezú, uixi: O mukuetu-phe nanhi?

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Loma 1:17

Kuma o Njimbu Iambote iene ia tu idikisa kioso Nzambi kia tu xikina, etu tua lungila mu kuxikana; kuma mu kuxikana ngó mu tu lungila. Kala kia ki soneka mu Mikanda Ikôla exi: Uoso a mu xikina kua Nzambi mu kuxikana, ió u laia.

Loma 10:2

Mukonda eme ngi mbangi iâ kuma Nzambi a mu suinina kiavulu muene. Maji o kusina kuâ kuene kua kukamba kutongoloka kua kidi.

Loma 10:20

Izaia-phe u zuela sé uôma, uixi: Nzambi a mu sange kuala athu kà kexi ku mu sota, ua tukulukila kua ió kà kexi ku mu ibhula.

Loma 11:7

O kiki-phe tuila ihi? Tuila kuma o kima kia kexi kusota akua Izalaiele, ka ki mono. Ofele ngó a a solo kuala Nzambi, ene a ki mono. Amukuâ-phe a di bhange mixilu ku kixanu kia Nzambi.

Loma 3:22

Kuene o kulunga kua Nzambi ku ijila mu kuxikana Jezú Kristu. Muène u bhanga kiki kua oso muene a xikana, kuma kana-ku muthu ua di tungula-mu.

Loma 3:26

Maji mu kindala kiki muène ua bhakula Kristu phala kulondekeza kuila muène ua lungu. Uila kiki, Nzambi ua lungu, phala a lungise ue athu oso a xikana Jezú.

Loma 5:19

Mu kuxibhaka kua muthu umoxi, mundu a di bhangele akua ituxi, kiene kimoxi ue, mu kutumaka kua muthu umoxi, mundu a di bhanga akua kulunga, mbata ene oso a a xikina kua Nzambi.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Matendelelu 6:25

Kifua-phe o ki tu kuata muanu ua kubhanga itumu ioso ia tu xindi o ijiia iene ioso iii, kala kia tu tendelela Jihova Nzambi ietu, kuene ku tu muena o kulúnga.

Filipe 3:9

O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.