Loma 10:19 - O Mikanda Ikola

¹⁹ Ngixi-phe dingi: Kifua akua Izalaiele a kambele ku kʼ ijiia? Mozé muene ua diangele kutanga, uixi: Eme ngi mi kuatesa difuba ni ió mua a mono kuila kʼ athu a kima, ngi sola athu a kambe kuijiia, enu mbé ni mu futuluke, ni mu kale ni njinda ia muiji ua athu a kambe kilunji.

Loma 10:19 ပူးပေါင်းရင်းမြစ်များ

Jelemiia 10:14

Muthu uoso-lolo ua di bhange kingoho, kejiia kima; azunzi oso sonhi ja a kuata kia tala o kiteka kiâ kia kuzunza; kuma o iteka iê ia kuzunza makutu ngó, momuʼâ kana-mu muenhu moxi.

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Hozeia 2:23

Izalaiele nga kà mu phapha mu ngongo phala eme; Lo-Luhama nga kà mu kuatela henda, ió ka mu kuatelele henda ia kima; Lo-Ammí, ió ka kexile povo iami, nga kʼèla kiá: Eie u povo iami; o muene ue ua kʼèla: Eie u Nzambi iami.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Loma 11:11

Kiki ngʼ ibhula ngixi-phe: Ene kia di bhaleʼ okio, manhi endelela nzaká? Ki ki xikina! Maji o kibhalu kiâ, mu ituxi, kia bhekela akua jixi jengi ki Jijudé o kubhuluka, phala o Jijudé ku a kuatesa difuba.

Loma 11:14

Sumba ku matelu-matelu, enʼió a ngi tokala mu xitu ngʼ a kuatesa difuba, ni ngi bhulule-ku amoxi-mu.

Loma 3:26

Maji mu kindala kiki muène ua bhakula Kristu phala kulondekeza kuila muène ua lungu. Uila kiki, Nzambi ua lungu, phala a lungise ue athu oso a xikana Jezú.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 10:19

Mu kuzuela kiki, ngambe-phe kiebhi? Kuma o sata ia kiteka kima kia kidi, mba o kiteka kiene kima kia kidi?

I Kolindo 11:22

Kifua enu mua kambe jinzu jenu ja kudila ni kunuina? Mu kubhanga kiki, o Ngeleja ia Nzambi mua i tobhesa, o akuenu ala jingadiama mua a kuatesa jisonhi! Kienʼ iki ngi mʼ ila kiebhi? Ngi mi ximana? Kana! Mu kiki ki ngi mi ximana, kana!

I Kolindo 12:2

Enu muejiia kuma kioso ki mua kexile mu matumbu, mua sendukile ni itekʼ oio ia di fuila, mu kaiela kioso-kioso kia mi longesa.

I Kolindo 15:50

Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.

I Kolindo 7:29

Ngambe-phe kiki, jiphange, kuma o thembu ia butu, kua bhingi ku pholo ku tuia, oso ala ni ahatuʼâ, a kale uila kala-nâ.

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.