Loma 10:18 - O Mikanda Ikola

¹⁸ Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Loma 10:18 ပူးပေါင်းရင်းမြစ်များ

I Jisobha 18:10

Ngana Nzambi ié, kuene kuala! Kuma o ngana iami Akabe, ka xile tumbu ni muiji mba ungana, hé u kamba kutuma-ku athu mu ku ku sota eie; anga akuaʼxi, ki ela: Kunu kala-ku, muene u lokesa o miji mba o maungana enhó, se ni kidi muene ka ku mono.

Jisálamu 19:4

maji o njimbuʼiii-phe a ivisa mu ngongo ioso; o hundu iê ia jimbuluka muene katé ku maẋokololo maʼxi. Maúlu Nzambi ua ma bhanga balaka ia dikumbi;

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Izaía 24:16

Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Matesu 26:13

Kidi kiene ngi mi ambela: Kuosokuoso kua kà tula Njimbu iíi Iambote mu ngongo ioso, ni kiki kia ngi bhange o muhatu iú a kà ki tanga phala dilembalelu diê.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Matesu 4:8

Luamukuá dingi, Diabhu u mu bheka ku thala ia mulundu ua di leka kinéne, anga u mu idikiza maungana moso mu ngongo ni kufumana kuâ.

Marku 16:15

Jezú anga u ambela, uixi: Ndenu mu ngongo ioso, mua ka boke o Njimbu Iambote, kate kua suku Nzambi ni kubhanga athu.

Marku 16:20

O maxibulu anga a muangana, he a boka o Njimbu Iambote mu ididi ioso. Ngana muene anga u kalakala-nê, he u kuatesa o Maka-mê ni ijimbuete ia madiuanu ia kaiela-ku.]

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 26:20

Nga diangela kubhana jingolokela ku akua Damasku, ngedi ni ku Jeluzaleme, ni mʼ oxi ioso ia Judeia, katé ni ku matumbu. Nga a jimbuila jinga kuma a tokala a diela ni kueha o ituxi iâ, nʼ a biluke kua Nzambi, ni kubhanga o imbamba ia fuamena o kudiela kua kidi.

Jipoxolo 28:23

Kia mu bhana kizuua kia tokala o kudimona dingi, avulu muene a mu sanga mʼonzo mua tula. Muène anga u a lomboluela maka, u bhana umbangi ua Utuminu ua Nzambi. U sota ku a xikanesa ni maka ma tundu mu Kitumu kia Mozé ni mu madivulu ma Jipolofeta, tunde kimene katé ngoloxi, kuila Jezú muene Kristu.

Loma 1:8

Kima kia dianga, nga sakidila Nzambi iami kua Jezú Kristu mukonda dia enu oso; kuma o kuxikana kuenu kua fumana mu ngongo ioso.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

I Tesalonika 1:8

Kuma o maka ma Ngana ma tundu ko kuenu, ia a fumana, kana ngó ku Masedonia ni ku Akaia, maji katé ni ku ididi ioso, o kuxikana kuenu ku muala na-ku kua Nzambi, kua fumana; o kiki etu ki tu bhingi dingi kuzuela kima.