Loma 10:16 - O Mikanda Ikola

¹⁶ Maji ene oso-phe kà sokela-ku mu kutambulula o Jingolokela Jambote. Kuma ni Izaia, uixi: Ngana, nanhi ua xikana o hundu ietu?

Loma 10:16 ပူးပေါင်းရင်းမြစ်များ

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 53:1

Nanhi ua xikana o maka metu? Nanhi muene kua mu tukulukila o lukuaku lua Jihova?

Matesu 13:14

Kua ene kua tenena kia zambula Izaia, o musèsedi, uixi: O kuívua, mu ivenunu, anga mu tokoka o kuijiia. O kutala, mu talenunu, anga mu tokoka kumona.

Nzuá 10:26

Maji enu-phe ki mu xikana, mukonda ki mua tokala mu jimbudi jami.

Jipoxolo 28:24

Amoxi anga a xikana ima ia tange Phaulu, amoxi-phe a xibhaka.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

Loma 2:8

Maji ua kà lunduluila o njinda iê ni kaxtiku kê ku thandu dia oso-phe akua luimbi, o kubhanga o mbote a ku tokoka, anga enda ni kukaiela ioso iaiibha.

Loma 3:3

O kieneʼokio? Né-mbé amoxi-mu a kambele kuxikana, o kukamba kitongola kua ene, kuene ku selukisa o kukumbidila kua Nzambi?

Loma 6:17

Maji tu sakidilienu-phe Nzambi, mukonda sumbala mua kexile mu abhika a ituxi, o kiki mua tumaka ni muẋima uoso o phangu ia ulongelu iú u mua tambula kunu ku mua sambuka.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Ngalásia 5:7

Enu mua kexi mù kuenda kiambote! Nanhi ua mi fudisa, phala o kidi mu kambe ku di tuma na-kiu?

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

Jihebeleu 11:8

Kiejila mu kuxikana, Mbalahamu kia mu ixana kuala Nzambi, muène anga u itaia, u xikina kuia mu kusota o ixi ia polomesa, iʼ ambe Nzambi o ku mu bhana. Hé u xia oxi iê-muène, u katuka, sé kuijiia kuoso kuanda kuia.

Jihebeleu 4:2

Kuma kia kidi kiene, etu a tu tudila o Jingolokela Jambote kala ene. Ene-phe ka bhandulukile kima mukonda o maka ki ma takana ni kuxikana mu miẋima ia oso a evile.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 2:8

O bhua mukuá Mikanda Ikôla, iexi: Didi diene o ditadi dianda kubhangesa athu kudibhukana, o ndànji ianda ku a bhangesa o kudibhala. Ene a di bhukana, mukonda o maka ka ma xikana, kienʼiki kia a xindile o vondadi ia Nzambi.

I Phetele 3:1

Kiene ue enu ahatu beleselenu anume enu, phala né-mbe bhu kala ni iá a kamba kutumaka o maka ma Nzambi, ki bhekela ku a nganhala mu uendelu ua mbote ua ahatu â.