Loma 10:15 - O Mikanda Ikola

¹⁵ O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!

Loma 10:15 ပူးပေါင်းရင်းမြစ်များ

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Jelemiia 23:32

Jihova uambe, uixi: Eme nga bilukila muene a tanga uanji ua upolofeta mu nzoji ja makutu, anga a ji tanga, anga a bhangesa athu ami ku tondala ni makutu mâ ni udianzunga uâ; kuma eme ki nga a tumu mba ngʼa a bhana ngonge; ene ue o mundu iú ka u bhekela mbote ia kima, Jihova ua ki tange.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Matesu 9:38

Ngana uavu mábhia mê mu sambedienu, a tume akalakadi mu mábhia mê.

Luka 10:1

Kia bhiti ima iíi, ku izuua, Ngana u sola dingi makuinhi sambuadi a xibulu ni kiiadi jamukuá, anga u a katula kiiadi-kiiadi, ni a mu tuamenene ku jisanzala joso ni ididi kuoso kua-nda kuia muène.

Luka 2:10

Mukunji-phe ua ambela, uixi: Ki mu kale ni uôma! Mukonda ngeza ku mi tudila Njimbu Iambote, i sangulukisa mundu uoso.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Luka 8:1

Kubhanga izuua, Jezú u kala mú nhunga ku jimbanza ni ku jisanzala, mu ku boka ni kutula o Njimbu Iambote ia Utuminu ua Nzambi. O kuinhi dia xibulu ni kiiadi anga a kala-nê kumoxi.

Nzuá 20:21

Jezú anga ua ambela dingi, uixi: O uembu u kale ni enu! Kala kioso Tata kia ngi tumu eme, kiene ue ki nga mi tumu enu.

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Jipoxolo 13:26

Phaulu anga u zuela dingi, uixi: Enu phange jami, mu ana kixina kia Mbalahamu, ni enu oso ki mu Jijudé maji mua xila Nzambi, makʼ ama ma kubhuluka ma tu kane etu-ene oso.

Jipoxolo 22:21

Bheniobho Ngana uixi-phe: Katuka! Eme ngi ku tuma ku makanga, ku matumbu, ió oso ki Jijudé.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Loma 1:15

Kala kiki, kioso ki nga tena, ngala polondo ia ku mi tudila ue o Njimbu Iambote, enu uenu muala ku Loma.

Loma 15:20

Nga solo muene kukola o Njimbu Iambote, ku ididi kuoso kiluua evua-ku o dijina dia Kristu, phala ki ngile kala ngala kutungila ku disesa dia tele muthu uengi.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Efezo 6:15

mu inama mu zuata jihaii ja ku di iudika mu Njimbu Iamboe ia paze.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.