Loma 10:14 - O Mikanda Ikola

¹⁴ Maji a di kola-phe kiebhi kua muène, se kiluua a mu xikana? A mu xikana-phe kiebhi, se o Njimbu kiluua a ivua?

Loma 10:14 ပူးပေါင်းရင်းမြစ်များ

Jona 1:16

Mala enhá-phe a kala ni uoma ua Ngana, uoma uavulu muene; anga a bhana jisata kua Jihova, hé a mu tela jihâsa.

Jona 1:5

Kienʼokio atabhuidi ezala ni uoma uavulu, anga a samba kala muthu kua nzambi iê, kala muthu kua nzambi ié, imbamba ioso iala mu naviiu anga a i takula mu kalunga, phala kusosolola o kinemenu mu naviiu. Jona-phe ua di kuzula mu kaẋi ka naviiu ku hole iê, iu ua zeka; hé u di ta ku kilu muene kia muioko-ioko.

Matesu 20:7

Exi: Mukonda kana-ku muthu ua tu kase. Kuala muène: Ndenu uenu ku mulenga uami.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 9:36

Uixi: Monʼ a Nzambi, nanhi Ngana, ngi mu xikane?

Jipoxolo 19:2

Anga ua ambela, uixi: Enu mua tambula kiá Nzumbi Ikôla tunde ki mua xikana? Ene exi: Kana! Etu kiluua ngó tu kʼ ivua kuila sai-ku Nzumbi Ikôla.

Jipoxolo 8:31

Kuala muène: Ki ngala kutanga ki ngi jimbulukila kiebhi, sé muthu ku ngi lomboluela-kiu? Anga u dionda Felipe a bande, a xikame-nê mu dikalu.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.

Efezo 4:21

Kuzuela o kidi, enu mu evu kioso kia mu tanga jinga, o ki mua bokona mu kisangela kiê, mua di longo o kidi, kiene mua Jezú.

Matendelelu 30:13

Ki kiala ue kuemʼoko dia musanza ua Kalunga, kuamba uila: Mukuahi u tu zauʼkila o musanza iú ua Kalunga, nʼa tu bhekela-kiu kunu, anga u tu ivisa-kiu phala tu ki aluke?

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Jihebeleu 11:6

Muthu-phe ua kambe o kuxikana ka tena kuuabhela Nzambi. Kuma uoso uiza kua Nzambi ki kala u xikana kuila sai-ku Nzambi, kuma muène mukua kubhandulula oso a mu sota ni muanu.

Tiiaku 5:15

O kusambʼuku, kua kuxikana, anga ku mu bhulula uoso ua-lu kata. O Ngana u mu balumuna, se ua tele ituxi, u mu loloka-iu.