Loma 10:12 - O Mikanda Ikola

¹² O kia tangʼ iki, phala ene-oso, mukonda kana-ku katungu mu Judé, ni ió ki Judé. Nzambi muene kuma Ngana imoxi, Ngana ia ene-oso; muène mubhani a nzungule kua ió oso a di kola kua muène.

Loma 10:12 ပူးပေါင်းရင်းမြစ်များ

Jisálamu 145:18

Jihova ua zukama kua ió a dikola kua muene, oso a dikola kua muene mu kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Izaía 55:6

Sotenu Jihova, kiosuʼiki ki mu tena ku mu sanga, mu kodienu kiosuʼiki kiala bhua zukama;

Jipoxolo 7:59

Ene kioso kia mu bûba Xitevá ni matadi, muène-phe iú hingila Ngana Jezú, uixi: Ngana Jezú, tambula nzu mbi iami!

Jipoxolo 9:14

O kiki ua mu kuiza kunu ku Damásku mukonda ua tambula kusuina ku jinganga ja makota, kua kukuta oso a bheza mu dijina dié.

Loma 14:9

Mukonda kiene kia bhangesele Kristu kufua ni kuphaphumuka, phala a kale Ngana ia athu afu ni athu a muenhu.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Loma 3:22

Kuene o kulunga kua Nzambi ku ijila mu kuxikana Jezú Kristu. Muène u bhanga kiki kua oso muene a xikana, kuma kana-ku muthu ua di tungula-mu.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

I Kolindo 15:47

O Adá ia diangele-ku, a mu bhangele ni mavu ma bhoxi, o Adá ia kaiela-ku ua tundile mu diulu.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 2:4

Nzambi-phe mu kulenduka kuê kua mu kala o nzungule, mukonda dia henda iê iavulu ia tu kuatela,

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Efezo 3:6

O kikutu kieniiki: Mukonda dia Njimbu Iambote, o akua jixi jengi, ala uâ mu kisangela kumoxi ni Jijudé mu mabesá moso ma Nzambi. Kuma ala idiandu ku mukutu uene umoxi; akua kisangela mu polomesa ia bhana Nzambi mua Kristu Jezú.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

I Timote 2:5

Mukonda sai-ku Nzambi imoxi ngó, ni Mubhangedi umoxi ngó u bhita bhu kaxi ka Nzambi ni athu—muène o muthu Jezú Kristu,

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.