Loma 1:7 - O Mikanda Ikola

⁷ Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

Loma 1:7 ပူးပေါင်းရင်းမြစ်များ

Jisálamu 60:5

Mukonda a nʼé a jihenda a bhingi ku a bhandulula, eie-phe itaié ni lukuaku lué lua dilu, u tu bhulule.

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Dialuilu 6:25

Jihova a ku muikine ni kubenha kua pholo iê, a ku kuatele henda;

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 9:13

Ananiia-phe u kumbulula, uixi: Ngana, muthu ió nga mu ivu ku mundu; athu é angene mu Jeluzaleme ua a bhange usueia uavulu.

Loma 1:6

O mu ʼaxaxe kâ ni enu uenu mua tungu mu Loma, muene mu muala, kuma a mʼ ixana ue kuala Nzambi mu kukala mu akua Jezú Kristu.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

Loma 5:5

O kudielela kuku-phe ki ku tu kuatesa jisonhi, mukonda o henda ia Nzambi ia tu nokena mu miẋima mu nguzu ia Nzumbi Ikôla a tu bhana-nê.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

Loma 9:25

Kala kia tange ue mu Ozeia, uixi: Nga kà exana: Mundu uami, oso ka kexile Mundu uami. Ngi mu ila: Kazola kami, o muiji uoso ka kexile Kazola.

I Kolindo 1:24

Maji phala ene-phe oso a exana, kuala Nzambi, ni ku Jijudé, ni kua ió ki Jijudé, Kristu muène o nguzu ia Nzambi. Muène o unjimu ua Nzambi.

I Kolindo 16:23

O kiadi kia Ngana Jezú Kristu, ki kale ni enu ku mualʼ oko.

Ngalásia 6:18

O kiadi kia Ngana ietu Jezú Kristu, ki kale jinge ni enu oso, jiphange. Amén.

Efezo 1:2

Ku kale kiadi ku mualʼoko, ni kutululuka ku tunda kua Nzambi, Tata ietu, ni kua Ngana Jezú Kristu. Tu ximane Nzambi, Tata ia Ngana ietu Jezú Kristu!

Efezo 6:23

Jiphange koko a kale ni paze, ni henda kumoxi ni kuxikana, i tunda kua Nzambi Tata, ni kua Ngana Jezú Kristu.

Matendelelu 33:12

Kia tanga Bejamí, uixi: Kazola kangene ka Jihova, ua-nda kutunga-nê bhua kondama. Kumbi dioso dia kambàmba, unanga ni ku mu vungina; muene anga ubutama bhuʼaxaxi ka isuxi iâ.

Filipe 1:2

O kiadi ni kutululuka ku tunda kua Nzambi, Tata ietu, ni kua Jezú Kristu, Ngana ietu, kukale jinge ni enu oso ku mualʼ oko.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Filipe 4:20

O fuma-phe i kale ia Nzambi ietu, Tata ietu, katé ku hadia ni hadia. Amén.

Filipe 4:23

O kiadi kia Ngana Jezú Kristu, ki kale ni nzumbi jenu enuʼoso.

Kolose 1:2

Tua sonekena akua Ngana, a tungu mu Kolose, ia ala jiphange jetu ja fiiele. Ku kale kiadi ku mualʼ oko, ni kutululuka ku tunda kua Nzambi Tata ietu, ni kua Ngana Jezú Kristu, Ngana ietu.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

I Tesalonika 1:1

Eme Phaulu, ni Sidivanu, ni Timote, tua sonekena o jiphange jala mu Ngeleja iala mu mbanza ia Tesalonika. Enu mua tokala Nzambi, Tata, ni Ngana Jezú Kristu. Ku kale kiadi ku mualʼ oko, ni kutululuka kua soko.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

I Tesalonika 1:4

Enu jiphange, a mi zola kua Nzambi, tua mʼijiia kioso kia mi tungula Nzambi, iú ua mi solo.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

I Tesalonika 5:28

O kiadi kia Ngana ietu Jezú Kristu ki kale jinge ni enu ku mualʼ oko.

II Tesalonika 1:2

O kiadi ni paze i tunda kua Nzambi, Tata ietu, ni kua Ngana Jezú Kristu, i kale jinge ni enu ku mualʼ oko.

II Tesalonika 3:16

Kiki muène, Ngana ia kutululuka, a mi bhane jinge kutululuka mu ima ioso.

II Tesalonika 3:18

O kiadi kia Ngana ietu Jezú Kristu ki kale ni enu oso.

I Timote 1:2

nga sonekena Timote, monʼami ua kidi mu kuxikana. Nga ku indila kiadi, ni henda, ni paze, i tunda kua Nzambi Tata ietu, ni kua Kristu Jezú, Ngana ietu.

I Timote 6:2

Oso ue ala ni jingana jâ ja xikana kiá, ka a tobhese mukonda dia kukala jiphange jâ mua Ngana. Inda a bete ku a kalakela, mukonda o jingana a-ndu tambula o ikalakalu iâ iambote, ala axikani, phange jâ ja kazola. Imʼiii ia bhingi u i tendelela.

II Timote 1:2

Nga sonekena Timote, monʼamiʼa kazola mu kuxikana. Nga ku indila kiadi ni henda ni kubatama ku tunda kua Nzambi Tata, ni kua Kristu Jezú, Ngana ietu.

II Timote 4:22

Ngana Jezú Kristu, akale ni nzumbi ié. O kiadi kia Ngana Nzambi ki kale ni enu oso koko.

Tito 1:4

Nga ku sonekena eie Tito, u monʼami ua kidi, mu kuxikana kuetu kumoxi ni eie ni eme. Nga ku indila kuila o kiadi ni paze i tunda kua Nzambi Tata, ni kua Kristu Jezú, Mubhuludi uetu, i kale jinge ni eie.

Filemone 1:25

O kiadi kia Ngana ietu Jezú Kristu, ki kale ni enu oso.

Filemone 1:3

Ku kale kiadi ku ualʼoko, ni paze i tunda kua Nzambi, Tata ietu, ni kua Ngana Jezú Kristu,

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.

I Phetele 1:15

Kuma-phe o Nzambi ua mʼ ixana ua zela, enu uenu ki kale mu zela mu uendelu uenu uoso.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

II Nzuá 1:3

O kiadi, ni henda, ni paze, i kale mudienu, i tunda kua Nzambi, Tata, ni kua Jezú Kristu, Monʼê mu kidi ni henda.

Dijingunuinu 2:1

O anjo ia ngeleja ia Efezo, mu sonekene kiki: Eme ió ua kuata sambuadi dia théthembua bhu lúkuaku lué lua dilu, mukua kunhungina muʼaxaxe ka sambuadi dia kandeia ka ulu, ua-mbe kiki:

Dijingunuinu 2:12

O Anjo ia Ngeleja ia Pelengamo, mu sonekene kiki: Eme ió uala ni xibhata iatu ia mazu aiadi, uambe kiki:

Dijingunuinu 2:18

O Anjo ia Ngeleja ia Tiiatila, mu sonekene kiki: Eme Monʼa Nzambi, uala ni mesu mê medi kala mulengu ua túbhia mu kubenha, ni inama iê mukuâ ni utadi ua ngôndo ualuendela, uambe kiki:

Dijingunuinu 2:29

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 22:21

O kiadi kia Ngana ietu Jezú Kristu, ki kale ni enu oso.

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki:

Dijingunuinu 3:22

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki: