Loma 1:6 - O Mikanda Ikola

⁶ O mu ʼaxaxe kâ ni enu uenu mua tungu mu Loma, muene mu muala, kuma a mʼ ixana ue kuala Nzambi mu kukala mu akua Jezú Kristu.

Loma 1:6 ပူးပေါင်းရင်းမြစ်များ

Loma 9:24

Mukonda etu-ene oso, Nzambi ua tu ixana; kana ngó o Jijudé, maji ue ni akua jixi jengi, ki Jijudé.

I Kolindo 1:9

Nzambi uene fiiele, muéne ua mʼ ixana phala ni mu tena kuiza mu kisangela kia Monʼ ê Jezú Kristu, Ngana ietu.

Ngalásia 1:6

Nga mi diuana kiavulu, enu kindalʼ iki mua mu ambudisa kiá uoso ua mʼ ixana mu kiadi kia Kristu, enu mua tambulula kiá njimbu iengi.

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Kolose 1:21

Enuʼ enu mʼ ukulu mua kexile dikanga ni Nzambi. Mua di bhangele mu jinguma ja Nzambi mukonda dia ima iaiibha i mua xinganeka jinga, ni mukonda ue dia ima iaiibha i mua bhanga jinga.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

II Tesalonika 2:14

O Nzambi muène iú ua mʼixanena mu Njimbu ietu Iambote i tua kola, phala mu tambule ue mbandu ku fuma ia Ngana ietu Jezú Kristu.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

Jihebeleu 3:1

Uila kiki, enu jiphange jami mu kuxikana, mua tokala mu kixanu kia Nzambi, talenu kua Jezú a mu tumikisa Nzambi phala kukala Nganga ia Dikota, tua mu fisala mu kuxikana.

I Phetele 2:21

Mukonda enʼuenu Nzambi kiene kia mʼixanena. Mbata Kristu kiene kia tu talela hadi, iú ua tu xila o phangu, phala tu mu kaiele mu makanda.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.