Loma 1:30 - O Mikanda Ikola

³⁰ Akua kabodio, aku kutatela. A di zemba ni Nzambi, a bhuma, a kala ni ukumbu ni izala. A funha jindunge javulu ja kubhanga kiaiibha. A xibhaka adiʼâ,

Loma 1:30 ပူးပေါင်းရင်းမြစ်များ

I Jisobha 20:11

Sobha ia Izalaiele-phe u vutula, uixi: Uoso uala kuzuata o phonda, ka di nanze kala ió ua mu zula o phonda.

II Malunda 19:2

O Jehu, monʼa Hanani, mukua lumono, hé u tunda mu ku mu tumbidila, uambela sobha Jozafate, uixi: Eie ueji ku kuatekesa muthu ua ibha, ni kuzola ió a zembe Jihova? Kiene njinda ia dikota ia Jihova ki iejila ku thandu dié.

II Malunda 25:19

Eie uambe: Nga kuama akua Idumeia; o muẋima ue iú ua zangalala ni ku di ta nzabala; o kikiphe, kalʼé mʼonzo ié; u sotela-hi divuua nʼu dibhale, eie ni Juda kumoxi?

Jisálamu 10:3

Kuma kisuéia u ta nzabala ia kimbamba kia mu kala mu luimbi luê; mukua kúdia mangonha u tènda Jihova, u mu tobhesa ni malebhu.

Jisálamu 106:39

Kienhiki kia di bolesa ni imbamba iâ, a di bhange jindumbu mui ibhangelu iâ.

Jisálamu 49:6

Ió oso a dielela umonhi uâ, a di fiiala o kuvula jinbongo jâ.

Jisálamu 5:5

Akua izala ka tena kuimana ku mesu mé; eie ua di zemba ni ene oso akalakala ituxi.

Jisálamu 52:1

Ua kakela-hi ni ufe anga uia ni ku di thatha, u dizonda dia kimi? Maji o kulenduka kua Nzambi ku kué, ku nangenena.

Jisálamu 81:15

Oso a zemba Jihova, eje kuiza kua muene ni kudiunda; ene-phe o thembu iâ ienhiʼii, ieje kunangenena.

Jisálamu 94:4

A di thatha, a zuela izala ioso; abhangi a mangonha enhoso, u sanga a di ta jinzambala jâ.

Jisálamu 97:7

Jisonhi ji kuata oso a bheza o mahamba maseta athu, oso a di fiiala o iteka; u kôla-ze iú, enu mu nzambi jengi; enu oso diundenu bhu pholo iê.

Jisálamu 99:8

Eie uà etaia jinga muene, u Jihova, Nzambi ietu; ua kexe eie u Nzambi ia ku a loloka; sumbala o imbamba iâ iaiibha ia bhanga jinga, eie ua i kaxtikala.

Jisabhu 24:8

Muthu uoso uate muẋima mu kubhanga o phulu, a mu luka exi mesene ia ixinganeku iabolo.

Jisabhu 25:23

Kitembu ki tunda ku suku, kiza ni ku xinjikila mvula; o dimi di tanga iaiibha, di bhekela pholo ia funduluka ni njinda.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Jisabhu 8:36

Maji uoso u ngi ta kituxi, ua kakula o muenhu uê muene; kuma ene oso a ngi zemba eme, andala kalunga, ala mu kenga kúfua.

Ndongixi 7:29

Talenu-phe, kuma o ki nga bongo ngoho mu kusota kuami, kiki: Kuila o Nzambi, muthu ua mu bhange ni kuiuka, maji o muene-phe ua di funhina ndumba dia ima iaiibha.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Dialuilu 10:35

Kioso-phe ki katuka álaka, Mozé u zuela, uixi: Zanguka, u Jihova, jinguma jé, u ji muanganese; oso a ku zembe ua bhese lusolo.

Matesu 15:4

Mbata Nzambi uambe, kuma: Bhana tatʼ ʼenu ni mamʼenu ujitu. O uoso u xinga tatʼâ, mba mamʼâ, muthu ua ku mu jibha.

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Luka 21:16

Katé ni adienu, ni jiphange, ni jindandu, ni makamba, ene muene a-nda ku mi bhakula phala ku mi kuika mu ʼaleia. Amoxi-moxi mudienu a-nda ku a jibha.

Nzuá 7:7

Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Jipoxolo 5:36

Kuma mu izuua iabhiti, kua kexile muthu dijina diê Teùda. Muenʼiù ua di zangelekele, uixi ngi munène, anga bhu kala athu andumba, hama jiuana ja mala, a di bandanê. Muène-phe a mu jibha, ni ió oso a di tumine-nê a muangana, a jimi, o ioso ieji kubhanga iabhu-ku.

Loma 2:17

Ihi ia ku kuata? Eie-phe uala ni dijina dia kukala u Judé, eie ua xamenena ku Kitumu kia Mozé, uala ni ukumbu mukonda dia Nzambi i uala na-iu.

Loma 2:23

Eie ua di fiiala o kukala ni Kitumu kia Nzambi, maji mu kutondala o Kitumu u lebhukisa Nzambi?

Loma 3:27

Manhi o ki tualʼ iki, tu di zangeleka na-kiu? Ki ki xikina! Ki ki xikina, phala-hi? Kifua ki ki xikina mukonda tua tumaka o Kitumu? Kana, maji mukonda tua xikana Kristu.

II Kolindo 10:15

Uila kiki, ki tua mu di thathela ku ikalakalu ia bhange akuetu mu ididi iala mu jimbambe ja a bhana Nzambi. Maji tua dielela kuma o kuxikana kuenu ku kula dingi. Phala tu tene kubhanga kikalakalu kia beta kota muʼaxaxe kenu, mu jimbambe jene ja tu xindila Nzambi.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

Matendelelu 7:10

Muene ue mukua kubhana futu pholo ni pholo kua ió oso a mu zemba, anga u a bhangesa kujimuka muene nzaká! Ió uoso uzemba Nzambi, muene ue ulenguluka ku mu bhana futu iê; ka muehela, kana.

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!

II Timote 3:2

Kuma athu a kà kala azodi a ene ngó, injenji, akua ukumbu, a tènda akuâ, a nonga, a xikbhaka tata ni mama, a kamba kusakidila, a kamba ujitu ua Maka ma Nzambi.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Tiiaku 3:5

Kiene ue o dimi, sumbala kidiandu kiofèle ngó, maji di di hanza ni ima ia makota. Talesenu, muxitu né ua kulu kiavulu, u tambula tubhia ku mulengu uofele ngó!

Tiiaku 4:16

Maji enu-phe mu di thatha mu jinzabala jenu, mukonda dia kudizangeleka kuenu. O kudithatha kuosuʼoko-phe, kuaiibha!

II Phetele 2:18

Kuma ene a tanga maka ma ku di kaka, a zuela izala ioso, o mu hânji jâ ja xitu ni mu ufusa, a bhomba athu ió oso ambe kiá kubhuluka mu akuâ a nanga mu kutondala.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.