Loma 1:3 - O Mikanda Ikola

³ Iene ia mu tanga o Monʼ a Nzambi, ngana ietu Jezú Kristu. Mu kidifua kia muthu, Muène ua tunda ku mbutu ia sobha Davidi.

Loma 1:3 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Jisálamu 2:7

Ki ngʼedi ngi kola ngonge, Jihova ua ngʼambela, uixi: Eie u monʼami, lelu muene nga ku vuala.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Matesu 1:1

Divulu dia Uvadiue ua Jezú Kristu, monʼa Davidi, monʼa Mbalahamu.

Matesu 1:16

Jakobo u vuala Zuze munumeʼa Madiia u vuala Jezú, a mu ixana Kristu.

Matesu 1:6

Jese u vuala sobha Davidi. Davidi u vuala Solomá kua ió ua diangele kukala mukaji a Udiia;

Matesu 12:23

Athu oso anga a diuana, exi: Kífua, ki muenhú Monʼa Davidi?

Matesu 15:22

Talesa-phe muhatu a mukua Kanana u tunda mu jimbanduʼ omo, anga u di kola, uixi: Ngi kuatele henda, Ngana, u monʼ a Davidi! Monʼami ua muhatu, Diabhu dia mu salula kiaiibha.

Matesu 26:63

Jezú-phe ua di xibhê. Nganga ia dikota anga u mu ambela, uixi: Nga ku lokesa mu dijina dia Nzambi ia muenhu, tu tangele mba eie u Kristu, Monʼa Nzambi.

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Matesu 9:27

Kutunda bhobho, Jezú u kala mu bhita, ifofo iiadi anga i mu kaiela ni ku di kola, exi: Tu kuatele henda, u monʼ a Davidi!

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:34

Eme nga ki mono kiá, kiene ki nga bhela umbangi, kuma muenhú Monʼa Nzambi.

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 10:30

Mbata eme ni Tata, etuʼ ene umoxi.

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Nzuá 20:28

Tomé uetaiua, uixi: Ngana iami, Nzambi iami!

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Nzuá 7:42

Mu Madivulu ma Kôla ki mualu kuamba kuma Kristu u tunda ku muiji ua Davidi, ni bhu sanzala ia Beleme, bhua tungile Davidi?

Jipoxolo 2:30

Muène-phe kuma ua kexi polofeta, uejidile kuma Nzambi ua mu lokela kuila ku mbutu ia malômbo mê, hádia kukala muthu ua kà xikama ku kialu kiê kia ungana.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jipoxolo 8:36

O ki aia ni kuenda mu njila, a sanga kididi bhuala menha. Ngolambole, uixi: Talesa, menha iá! Ohi ki fudisa o ku ngi batizala? [

Jipoxolo 9:20

Muene kithanganʼ okio, mu malombe ma Jijudé, u kuata kulonga o Njimbu ia Jezú, kuma: Muène Monʼ a Nzambi!

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

Loma 4:1

Kiki-phe o Mbalahamu dia tatʼ etu mu xitu, tu mu zuela kiebhi? Tuila tuexi ua bongʼ Ohi?

Loma 9:3

Ngeji kuinda kuila eme-muene a ngi ta mazui kua Nzambi ni ku ngi kaia kua Kristu, bhu kididi kiâ ene jiphange jami, jindandu jami mu xitu.

Loma 9:5

Ku muiji uâ kuene kua tokala o jitata. Kuene ue kua tundu Kristu, se tu mu tanga mu kidifua kiê kia xitu. O muène-phe muene Nzambi ua mu tumina oso, a mu ximane sé dizubhilu. Amén.

I Kolindo 1:9

Nzambi uene fiiele, muéne ua mʼ ixana phala ni mu tena kuiza mu kisangela kia Monʼ ê Jezú Kristu, Ngana ietu.

I Kolindo 10:18

Xinganekenu hanji o muiji ua Jijudé: Oso akua kudia o ima iobhane mu jisata, manhi ka tokala ue mu kisangela mu Kultu ia kubheza Nzambi bhu kalatodio?

Ngalásia 4:4

Maji kieza o thembu iatenena, Nzambi ua tumikisa Monʼê muene. Muene iú ueza kala mona a mu vuala ku muhatu mu ngongo, a mu vuala iú ua kudila bhoxi dia Kitumu kia Jijudé.

I Tesalonika 1:10

A mu tanga ni kioso enu ki mualù kinga Jezú, o Monʼa Nzambi, uanda kutunda mu diulu, ió a mu fukununa mu madifundu kuala Nzambi. Muenʼió muène u tena o ku tu bhulula ku njinda ia Nzambi hinu ianda kuiza-ku.

I Timote 2:5

Mukonda sai-ku Nzambi imoxi ngó, ni Mubhangedi umoxi ngó u bhita bhu kaxi ka Nzambi ni athu—muène o muthu Jezú Kristu,

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

II Timote 2:8

Lembalala kuma Jezú Kristu, ku mbutu ia Davidi, ua fukunuka ku madifundu, uila ki ngene kutanga mu Njimbu Iambote i ngene mu kuboka.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

I Nzuá 3:23

O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

I Nzuá 4:15

Uoso u tanga kuila Jezú Kristu muène Monʼa Nzambi, muthu ió Nzambi ua tungu mua muène, ni muène mua Nzambi.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

I Nzuá 5:5

Nanhi u tena kutolola o mundu? Kikale uoso ngó ua xikana kuma Jezú Monʼa Nzambi.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.

Dijingunuinu 2:18

O Anjo ia Ngeleja ia Tiiatila, mu sonekene kiki: Eme Monʼa Nzambi, uala ni mesu mê medi kala mulengu ua túbhia mu kubenha, ni inama iê mukuâ ni utadi ua ngôndo ualuendela, uambe kiki: