Loma 1:28 - O Mikanda Ikola

²⁸ Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 1:28 ပူးပေါင်းရင်းမြစ်များ

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

II Samuuele 22:27

Uoso ua di zelesa eie u mu idikiza kuila eie uazela; uoso-phe ua xibhaka eie u mu idikiza kuthathamana.

Jisálamu 69:27

Ku ikuma iâ, a bandekeze-ku dingi ikuma; a lémbue muene kulunga bhu pholo ié.

Jisabhu 1:22

Enu ilalu, ulalu uenu mu suka na-u bhebhi? Enu jisemenhi, usemenhi kifua ki mu ueha dingi? Enu mu ioua, o kuijiia mu di zemba na-ku, kuambe?

Jisabhu 1:29

Mbata ene o kuijiia a dizemba na-ku; a di tunu kusola o uoma ua Jihova.

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 17:16

O muene-phe kiôua, bhu maku mê u bhelaʼhi ngó suilu ia kitadi mu kusumba o unjimu, se muene ka moneka kilunji?

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 6:30

A-nda kua kà exana phalata iò jine, mbata Jihova ua a tènde.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Izekiiele 20:25

Kiene ue kia ngi bhekesa o ku a bhana o jingonge ki ja uabha, ni mabatuilu a bhingi kuila ene uâ ka tena ku-laiela-mu;

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Jipoxolo 17:23

Kuma kioso ki ngi kala mu kubhita mu mbongeʼ umu ni kutalesa ididi ienu ia kubhezela, nga sange ue ni kalatodio kuosoneke kiki: Iolumbile Nzambi tua kambe ku Muijiia. Uila kiki, Nzambi uoso muala ku mu bheza sé ku mu ijiia, muène nga mu mi tangela-nê.

Jipoxolo 17:32

O kia mu ivu kutanga o madifundu kufukunuka, amoxi-mu olela; amukuâ exi: Hundu ioio tu andala hinu tu ivua dingi thembu iengi.

Loma 1:18

Kuma tua mono kuila o njinda ia Nzambi ia tukuluka, i tunda mu diulu, hé i tula ku thandu dia ituxi ioso ni kubhukumuka kua athu a bhingi kuila mukonda dia ima iâ iaiibha ia bhanga, a fudisa athu kuijiia o kidi.

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

Loma 1:24

Mukonda dia kudianguka kuâ, Nzambi ua ehelela mu maluimbi ma miẋima iâ ma bolesa, phala ene mudiâ a di bhange imbamba ia jisonhi ku mikutu iâ.

Loma 1:26

Mukonda dia kiki ki bhanga athu enʼiâ, Nzambi ua ehelela mu jihanji ja ufusa; katé o ahatuʼâ a xia ufunu uâ ua a tokala, a lungulula uengi ki ua a tokala.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

Efezo 5:4

Né jindaka, né kuzuela kua uoua, mba kasekelu, iene ioso íii ki i mi fuama. Inda kota o kukala mù sakidila jinga Nzambi.

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

II Timote 3:8

Mukuâ ni Jane ni Jambele a fudisile Mozé, enhá ue a fidisa o kidi. Athu a bolo ilunji, kuxikana a ku tokoka.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

Filemone 1:8

Uila kiki, kuma ngi phangʼié mua Kristu, nga-bhu uôma ni ngi tene ku ku tumina kioso ki ua tokala kubhanga.

II Phetele 3:5

Ene-phe akua kuzombala enhá, a jimbi-ku luelu, kuila kua kexile maulu mʼokulu, ni oxi, ia tomboloka mu menha, mu ʼaxaxi ka menha, mu kizuelu kia Nzambi.