Loma 1:25 - O Mikanda Ikola

²⁵ Kuma ene o kidi kia Nzambi a ki tolokala mu makutu. A bheza kima kiobhange kua Nzambi, a ki bhikila, o Muène ua bhanga ioso a mu xia, ua jîngi sé dizubhilu. Amén!

Loma 1:25 ပူးပေါင်းရင်းမြစ်များ

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Jelemiia 13:25

Jihova uambe: Ioso nzongo i nga-nda ku ku zongela eme, diene o dikanda dié; oko ua ngi jimbi eme, eie ua dielela ku makutu.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Amoji 2:4

Jihova uambe kiki: Juda kia tondala lutatu mba luuana, kibetu kiê ki ngi mu katula-kiu, mukonda o ngonge ia Ngana a i tènde, o itumu iê a tokoka o ku i bhaka, kia a kala kota o ku diehelela ku makutu ma jinzambi jâ ene-muène, kala kienda jinga o jitata jâ.

Habakuke 2:18

O kiteka-phe kiósonge kualʼo hete ia kusonga, kia sedivilaʼhi? O kiteka kia kuzunza ue, ki longa o makutu, kia sedivilaʼhi phala o ua ki bhange a dielele o kikakalalu kiê, na kuate kubhanga ima ki itena kuzuela?

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Nzuá 2:8

Anga ua ambela, uixi: Katulenu-ku tumenha tuofele, ku masanga iá mu tu bhekele o dilemba dia fesa. Anga a mu bhekela.

Loma 1:18

Kuma tua mono kuila o njinda ia Nzambi ia tukuluka, i tunda mu diulu, hé i tula ku thandu dia ituxi ioso ni kubhukumuka kua athu a bhingi kuila mukonda dia ima iâ iaiibha ia bhanga, a fudisa athu kuijiia o kidi.

Loma 1:23

Bhu kididi kia kubheza Nzambi ka tena kufua, a bheza kiteka kiòkalakale mu kidifua kia muthu mukua kufua, ni kia jinjila, ni iama ia inama iuana, ni ibâmba i zanzala bhoxi.

Loma 9:5

Ku muiji uâ kuene kua tokala o jitata. Kuene ue kua tundu Kristu, se tu mu tanga mu kidifua kiê kia xitu. O muène-phe muene Nzambi ua mu tumina oso, a mu ximane sé dizubhilu. Amén.

II Kolindo 11:31

Nzambi Tata ia Ngana ietu Jezú, a mu ximana katé ku hadia ni hadia, ua kʼijiia kuila ki ngi tange makutu.

Efezo 3:21

Nzambi muène a tambule fuma ni ku Ngeleja, ni mua Kristu Jezú, ku miji ioso katé ku hádia ni hádia! Amén.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

I Timote 1:11

O ulongelu ua kidi iú, uala mu Njimbu Iambote ia ngi bhana eme kuia ni ku i tula—o Njimbu Iambote ia tundu kua Nzambi Ukôla, mukua fuma.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

II Timote 3:4

Enʼiá a bhanga ufe, a thathamana, a vula izala. A kala azodi i jivondadi jâ, ki azodi a Nzambi, kana!

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.