Loma 1:21 - O Mikanda Ikola

²¹ Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

Loma 1:21 ပူးပေါင်းရင်းမြစ်များ

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

I Jisobha 20:23

Mbata akua mbèle ia sobha ia Sídia a mu ambela, exi: Ene ki a betesa nguzu etu ndenge, mukonda jinzambi jâ jinzambi ja milundu; tu di betele-nâ hanji mu mukáu ua sokelela, nda tu mone; ku kidi muene tua-ndu mona kuma etu kota nguzu ene ndenge,

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Ndongixi 7:29

Talenu-phe, kuma o ki nga bongo ngoho mu kusota kuami, kiki: Kuila o Nzambi, muthu ua mu bhange ni kuiuka, maji o muene-phe ua di funhina ndumba dia ima iaiibha.

Izaía 60:2

Kuma uamono kitombe kia vungina oxi, kuvunda kua vungina o ifuẋi; maji eie Jihova ua kèza ni kumuika ku thandu dié, o kizûnda kiê a kà ki muena kokué.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Jelemiia 9:14

O Kiala-bhu a kaiela ngó kia a tumu o muẋima uâ, ni kukaiela o mahamba ma Bale, ma a longesa kuala o jitata jâ.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Izekiiele 20:25

Kiene ue kia ngi bhekesa o ku a bhana o jingonge ki ja uabha, ni mabatuilu a bhingi kuila ene uâ ka tena ku-laiela-mu;

Hozeia 2:8

Mbata muene, ki kia mu tetulukila kuma eme nga mu bhele o masa, ni maluvu a kúnua, ni maji; eme nga mu vudixile o phalata ni ulu, ia zangela kua Baale.

Nzuá 3:19

O kuêla kuenhuku: O mukengeji ueza mu ngongo, maji athu-phe a beta kuzola o kitombe, mukengeji ua a kala ndenge, mukonda ima iâ ia bhanga iaiibha.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Loma 1:19

Nzambi u a bhana kaxtiku, mukonda ima ia Nzambi iejiia athu, ia di monekena mu ʼaxaxe kâ; Nzambi muène ua edikiza-iu.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 11:10

Mu mesu mâ muize kavunda, a lémbue kumona; kolokota o kukotamesa o miongo iâ ni ioso ia a bhinjika.

Loma 15:9

Phala ue ki bhangese akua jixi jengi, (ió ki Jijudé) kuximana Nzambi mukonda dia henda iê. Kala ki ambe mu Mikanda Ikôla, exi: Kiene kia kà ngi bhangesa ku ku tumbula mu ʼaxaxe ka akua jixi jengi, ió ki Jijudé, hé nga kʼ embila mu kuximana o dijina dié.

Matendelelu 28:29

Anga ku ku iza kiá uendelu ua kuila katé ni mu ʼkumbi dia mediia uenda ni ku babajala kala ki bhanga o kifofo muʼavundu; mu njila joso kuzediua u ku lémbua. Ku muenhu ué uoso u kala ni kubhondalala; izuua ioso aia ni ku ku nhana ni ku ku bhûnda o u ku kudila ku mu mono.

II Timote 3:2

Kuma athu a kà kala azodi a ene ngó, injenji, akua ukumbu, a tènda akuâ, a nonga, a xikbhaka tata ni mama, a kamba kusakidila, a kamba ujitu ua Maka ma Nzambi.

I Phetele 1:18

Kuma enu mua kʼijiia kuila a mi kula ku muenhu uenu ua usemenhi, u mua tambula ku jitata jenu, kana mu itadi i di bota, ia phalata ni ulu,

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.