Loma 1:20 - O Mikanda Ikola

²⁰ Kuma tunde Nzambi kia bhanga oxi, o ima iê-muène ia kambe kumoneka ku mesu, kutale o nguzu iê inanga, uixi o unzambi uê, ki i jimbi, mukonda ia di monekena. Kuma athu ia a jimbulukila mu imbamba ia bhanga Nzambi. Kala kiki, ene kala dingi ni maditatu.

Loma 1:20 ပူးပေါင်းရင်းမြစ်များ

Dimatekenu 1:1

Mu dimatekenu Nzambi ua bhanga diulu ni ixi.

Dimatekenu 21:33

Mbalahamu bhu Bele-seba u kuna-bhu miẋi ia mutamala, anga u bheza bhe nhobho o dijina dia Jihova, Nzambi kene ni dizubhilu.

Jobe 12:7

Maji, kindala ibhula hanji o iama ia mukáu, iene ioso i ku longa-kiu; ni ku jinjila ja diulu, jene ue ji kuijidisa na-kiu.

Jisálamu 104:31

Fuma ia Jihova i nangenene kienhiki! Jihova a sanguluke mu ikalakalu iê!

Jisálamu 104:5

Ua tena kutula madisesa maʼxi katé ia kuata, ki i xikina ku i lundumuna.

Jisálamu 119:90

O ufiiele ué u bhixila ku miji ni miji, kala ki ua iudika oxi ií ia kuata, ia nange.

Jisálamu 139:13

Eie-muène ua ngi bhanga mixima moxi; eie ua ngi tunga jixitu mu vumu dia mamʼetu.

Jisálamu 8:3

Kioso ki ngʼila ngi talesa ku diulu, ku ufunu ua milembu ié, ku mbeje ni jithéthembua ji ua iudika, ngʼamba, ngixi:

Jisálamu 90:2

Kioso milundu kiluua a i vuala, ni mavu ni ixi kiluua u i umba, tunde xahulu katé ku hádia, eie Nzambi u nangenena.

Izaía 26:4

Dielelenu Jihova mu thembu joso; mbata Jihova, Nzambi, ndanji i nangenena.

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Jelemiia 51:15

Kuma muene ua bhange o ixi ni kutena kuê, o ngongo iú ua mu i tumina ni kuijiia kuê, iú ua zale o diulu mu unjimu uê.

Matesu 5:45

Nda mu kale mu anʼa Tata ienu uene mu diulu. Kuma muène mukua kubhangesa dikumbi diê di bandela athu abhukumuka ni athu ambote, u tumikisa mvula ni kua ia aiuka ni ku ísueia.

Marku 10:6

Tunde-phe ku dimatekenu dia kubhanga ima ioso, a ki zuela kuila: Nzambi ua a bhange ndumbe ni mukaji.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 15:22

Ene keju kala ni kituxi, se Eme nga kambele kuiza kuzuela-nâ. Maji o kiki-phe, kala dingi ni maditatu ma ituxi iâ.

Jipoxolo 17:29

Ki tu kala-phe tu anʼ a Nzambi, ki tu fuama ku ki fika kuila o Nzambi u di fangana ni kiteka kia ulu, mba phalata, mba ditadi diosonge ku uhete ni ufunu ua muthu.

Jipoxolo 22:1

Enu mu akuetu, jiphange, nʼ enu mu jitata, ngʼ ivienu kioso ki ngi di lombolola lelu bhu pholo ienu.

Loma 1:19

Nzambi u a bhana kaxtiku, mukonda ima ia Nzambi iejiia athu, ia di monekena mu ʼaxaxe kâ; Nzambi muène ua edikiza-iu.

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

Loma 2:1

Kienʼ iki, eie u muthu ua kime, uala mù kuêlesa akuenu? Kiosokioso ki u kalé, eie-muène ue ku lungu. Mukonda kioso ki u êlesa mukuenu, eie ue anga u kuata kubhanga ima iene imoxi, ua di êlesa eie-muène.

Loma 2:15

Kuma mu ima iâ ia bhanga, o ufunu ua Kitumu a uidikiza kuila uòsoneke kiá mu miẋima iâ. Ni kitongoluelu kiâ ki bhana umbangi kuma kidi, mukonda o mabanzelu mâ ma mu kuila hinu ma a lungisa, hinu ma êlesa.

I Kolindo 1:20

Mu kienʼ iki, o njimu iú kuebhi? Mba uatongoloka uebhi? O ṗhoxi ja kuzuela mu ngongo mumu, a suku bhebhi? Nzambi uene mù kuidikiza kuila o unjimu ua mu ngongo mumu ua di bhange uoua!

Matendelelu 33:27

Nzambi kene mbambe, akale muene o disuamu dié. Bhoxi dié, maku manangenena, ma ku fikidile. Muene a kà kaie Nguma ku pholo ié, nda a ku bhue ku mesu, Muene uila: A buikise muene!

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.

Kolose 1:15

Kristu muene kidifua kia moneka ku mesu, kia Nzambi ua kambe kumoneka ku mesu. Muène o thungunu, uala ku thandu dia ima ioso iobhange.

Kolose 2:9

Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.