Loma 1:19 - O Mikanda Ikola

¹⁹ Nzambi u a bhana kaxtiku, mukonda ima ia Nzambi iejiia athu, ia di monekena mu ʼaxaxe kâ; Nzambi muène ua edikiza-iu.

Loma 1:19 ပူးပေါင်းရင်းမြစ်များ

Izaía 40:21

Manhi ki mu kʼijiia? Manhi ki mu kʼivua? Inga tundé ku dimatekenu kienʼiki muene kiluua a mi tangela-kiu? Mbé madisesa ma oxi ki mu ma tongolola?

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Loma 1:20

Kuma tunde Nzambi kia bhanga oxi, o ima iê-muène ia kambe kumoneka ku mesu, kutale o nguzu iê inanga, uixi o unzambi uê, ki i jimbi, mukonda ia di monekena. Kuma athu ia a jimbulukila mu imbamba ia bhanga Nzambi. Kala kiki, ene kala dingi ni maditatu.

Loma 2:14

O ió akua jixi jengi a kambe o Kitumu, ki ela mu kikexilu kiâ ʼokio a bhanga o ima ia tumu o Kitumu, ene kiá a di kala Kitumu kiâ.