Loma 1:12 - O Mikanda Ikola

¹² Kifua nga mesena kuzuela kuila etu ene oso—ni enu ni eme,—tu di konda malamba mu ku dʼ ijiia mudietu o kuxikana kuetu, ni tuidi enu mu suina ki mu mona o kuxikana kuami, eme uami ngi sanga dingi nguzu mu kuxikana kuenu ku muala na-ku.

Loma 1:12 ပူးပေါင်းရင်းမြစ်များ

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Loma 1:11

Kuma nga mʼ indi kiavulu ku mi mona, mbé bhu kale ue ni mbote i mu tambula ko-kuami, ia mabesá ma nzumbi, phala mu suine.

Loma 1:13

Enu phange jami, nga mesena mu kʼ ijiia kuma luavulu kiá nga solele kuia ku mi kunda ku mualʼ oko, maji katé ni kiki sai kia mu ngi fudisa jinga. Kuma nga mesena kuila kikalakalu kiami ki kale ni ibundu mu ʼaxaxe kenu, kala ki nga mono mu ʼaxaxe ka ió ki Jijudé, o akua jixi jamukuâ.

Loma 15:24

nga kinga ku ki bhanga kiá kindala. Kioso ki ngenda njila iami ia kuia ku Xipânha, nga mesena ngi mi mona mu kubhita, enu ue phala mu ngi xinjikile mu kuia koko, ki ngi mona kuila o vondadi ia ngi sosoloka kiá ia ku di mona ni enu.

Loma 15:32

Phala hadia nga kà mi sange ni ngalasa, mu vondadi ia Nzambi; nga kà nhohe-ku hanji ni enu.

II Kolindo 7:13

Mukonda dia kiki tua suina dingi. O ku thandu dia kutululuka kuku ku tua tambula, kua di te o kutana dingi kiavulu mukonda dia ngalasa ia Tito. Kuma enu oso mua mu kuatekesa mu ku mu nhohesa o muẋima.

Efezo 4:5

Sai-ku Ngana imoxi ngó, kixikanu kimoxi, ni batizu imoxi.

II Timote 1:4

Nga mu kuinda ku ku mona kioso ki ngi xinganeka o masoxi mé, phala kioso ki ngi ku mona, ngʼizale ni ngalasa.

Tito 1:4

Nga ku sonekena eie Tito, u monʼami ua kidi, mu kuxikana kuetu kumoxi ni eie ni eme. Nga ku indila kuila o kiadi ni paze i tunda kua Nzambi Tata, ni kua Kristu Jezú, Mubhuludi uetu, i kale jinge ni eie.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

II Nzuá 1:4

Nga sanguluka kiavulu, ki ngevu kuma anʼê amoxi ala kuenda mu kidi uila kia tu bhana Tata o kijila.

Juda 1:3

Enu akuetu, nga mi zola, kioso ki nga tele o muẋima mu ku mi sonekena o maka ma kubhuluka kuetu etu-ene-oso, kua ngiza kibhidi kia ku mi sonekena mu ku mi suinisa mu kuzokela o kixikanu kia bhana Nzambi, tunde ukulu ku akua Ngana.