Kuditenda 2:3 - O Mikanda Ikola

³ Kioso kia uama o njinda iê, nguzu ioso ia Izalaiele ua i batula; nguma uedi usolomoka, muene-phe lukuaku luê lua kadilu ua lu kotekʼê; ua uamena Jakobo, mukua ni mulengu ua túbhia, iu ua buidisa ima ioso ku mbandu ni mbandu.

Kuditenda 2:3 ပူးပေါင်းရင်းမြစ်များ

II Malunda 34:25

Mbata a ngi xisa, o uasu ua dizumba iá a uohela ku jinzambi jengi, mbé o ku ngi lokalala o njinda iami ni ibhangelu ia maku mâ; uila kiki, o njinda iami ia laukila bhu kididi kienhiki ki ia-nda kuẋikina kujima,

Jobe 16:15

Ku kikonda kiami nga tungila-ku kidinhaji, mútue uami nga u fufujula mu mavu.

Jisálamu 132:17

O kutena kua nguzu ia Davidi, muenhomo ku kuia-ku dingi; ngi sendela kandeia phala o muthu uami nga mu undu ni maji.

Jisálamu 74:11

Lukuaku lué kifua ua lu sungu kiá muene, o lukuaku lué lua dilu? Katula-lu, Ngana, bhu homba; ki lu fule dingi ku a jikinisa.

Jisálamu 75:10

Jimbinga ja isuéia ngi ji batula muene; maji o jimbinga ja iá aiuka-phe ji kala mu kuimana.

Jisálamu 75:5

Kana kubhetuka o lumbinga lué; kana kubhetula pholo kua Suke-ku ni izala; kana kuzuela ima kua Nzambi ni xingu ia thathamana.

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisálamu 89:24

Ni kitongola ni jihenda jami ja ku di tuma, jene ji mu endesa; ngi mu zangeleka muene ditala dia ujitu, o nguzu iê idibandekeza.

Jisálamu 89:46

Jihova, tata, u suka bhebhi ni ku di sueka kiki? katé ku hádia ni hádia? o njinda ié ia uama kala túbhia, kífua ki tuà jima dingi?

Izaía 1:31

Anga o dizonda ua kà biluka kibhiaẋi, o kikalakalu kiê mukua ni soso ia túbhia, anga kiiadi kiâ a kà uamena bhuamoxi, u a jimina ka moneka.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Jelemiia 21:14

Eme nga-nda ku mi zungila ni futu ia soko ni ibundu ia ibhangelu ienu, kiene kiambe Jihova; nga-nda ku bambula túbhia ku kitumba kiâ, tua-nda kujidisa ima ioso iala mu jimbandu jê.

Jelemiia 4:4

Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Jelemiia 48:25

Nguzu ia Mouabhe iòbatule, lukuaku luê a lu batula, Jihova ua ki tange.

Jelemiia 7:20

Kala kiki, Ngana Nzambi uambe uixi: Talesa, njinda iami ni ngânji iami nga-nda ku i lunduluila ku thandu dia kididi kiki, ni ku thandu dia athu ni ku thandu dia iama, ni ku thandu dia miẋi ia mikáu ni ku thandu dia ibundu iaʼxi; o ki iila léku, ki ia kà jima dingi.

Kuditenda 1:13

Ua tumikisa túbhia mu ifuba iami, tunde bhuluʼobho, ii iabambuka muene ni kuuama; inama iami ua i zalela uanda, ua ngi vutula ku dima; ua ngi sengulula muene, kumbi dioso dia kambamba nga tolamana.

Kuditenda 4:11

Jihova ua kumbidila o njinda iê, ku muẋima kua mu zele kiua; uaiukula o mualala ua njinda iê ia uamesa túbhia mu Ziione katé ni ku madisesa bhoxi.

Izekiiele 13:13

Kala kiki, Jihova Nzambi, uixi: Mu kutema kuami, kitembu kia nguzu kia-nda ku ki bula, mu njinda iami, kua-nda kukala kivundu kia mvula ionéne, ni matadi a makota a mvula mu kutema kuami, phala ku ki jimisa.

Izekiiele 7:14

O koloneta a i xiki kiá, ima ioso ió iudike kiá, maji ki bhuala uia ku ita, mukonda ku thandu dia mundu uâ uoso, kuala o kuuama kua njinda iami.

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

Luka 3:17

Muène, mbangu iê ua i kuata bhu maku phala kusèsa o jimbutu mu ibhiate. O dikanga diê dia kuvundila, u di zelesa kiambote. O mbutu u i bhongoluela mu kinganja kiê, o ibhiate-phe u ioha mu túbhia ki tu xikina dingi kujima.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.