Kuditenda 1:3 - O Mikanda Ikola

³ Juda uaii ku ubhika, kia mu iza o hadi, ua muangana muene mukonda dia ubhika ua mu vudila; uaxalela muʼaxaxi ka ifuẋi, o dinhohenu ua di lémbua. Ene oso a kexi ku mu landameka, a mu kuata kioso muene kia bhondalala mu jiphaxi jê.

Kuditenda 1:3 ပူးပေါင်းရင်းမြစ်များ

II Jisobha 25:11

O athu oso dingi a subhukile ku kifuẋi kia mundu mu mbonge, kumoxi ni iá a ẋinukine ia di-bhakula kua sobha ia Babilónia, ni amoxi dingi a subhukile ku kifuẋi, Nebuzaladane, o kabhitangu ka kilangidilu ua a kutu iú uai-nâ.

II Jisobha 25:21

Anga sobha ia Babilónia u a kuamena bhu Dibaia bhenhobho hé u a jibhila mu ixi ia Hamate; Juda hé a mu katula mu ixi iê anga a mu bheka kuengi mu ubhika.

II Jisobha 25:4

bhenhobho o mbanza a i bulu, o makuenze oso a ita, anga a lenga ni usuku mu njila ia lungu bhu dibhitu, bhu kaẋí ka imbaka iiadi bhua lulama ni kibakala kia itulu ia sobha, (sumbala akua Kaldeia a kondele o mbonge ioso mu kúlua na-iu) maji o sobha ua tundila mu njila ia dinhana

II Jisobha 25:5

Maji o masoladi a akua Kaldeia ai ni kukaia sobha Zedekiia ia a mu kuatela mu iphenza ia Jedikó; o masoladi é-muene kia ki mono, exi etu tu texʼiú, o muene hé a mu xa ubheka uê, kilômbo kioso kiai.

Jelemiia 13:19

Madiembu ma sulu a ma jika, u ma jikula ka moneka; Juda ioso a i ambata ku ubhika; kiene muene, Juda ioso a i ambata ku ubhika.

Jelemiia 16:16

Talesa nga-nda ku tuma atona a nzungule, eme Jihova, ene a-nda ku a tamba; anga ngi kasa kiua nzungule ia manhanga ene a-nda ku a tomba ku milundu ioso, ni ku tu-thuthulundu tuoso katé ni mu mabanda ku jindanji.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 39:9

O tumbalu-mbalu tua subhuka mu mbonge ni iá kiá a tundile ku mbandu iâ ia a di bundile ku jinguma, kumoxi kiá ni iá a subhuka ku mundu, Nebuzaladane, kabhitangu ka kilangidilu, uainâ ku Babilonha.

Jelemiia 52:15

O jingadiama ja ngadiadia mu Kifuẋi, ni mbandu ia mundu ua xalele mu mbonge, ni iá a balukile ia a di tele kiá ku mbandu ia sobha ia Babilonha, ni iá a subhuka kua eneʼoso, Nebuzaladane kabhitangu ka kilangidilu, ua a kuika iú uai na-u.

Jelemiia 52:8

Maji o Kifuẋi kia masoladi ma jikaldeu sobha a mu kaiela hé a mu kuatela mu kiphenza kia Jedikó, o Kifuẋi kiê kioso kia masoladi anga ki muangana makidikidi, a mu xa ubheka uê.

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Kuditenda 4:15

Kia kexi hanji, aia ni ku di kola, exi: Abhukenu, tua xidi! Abhukenu, abhukenu! ki mu babate! O kia kala kiá mu takujuka ku matumbu, mu ifuẋi ia athu engi, exi: Mumu ka tunge-mu.

Kuditenda 5:5

A tu langata, hanji a tu nhenganana bhu jixingu; kubhuila kua tu kuata, maji o dinhohenu tua di lémbua.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Matendelelu 28:48

Kala kiki, ni nzala, ni dinhota, ni tuẋi, ni kukala u ngadiama ia hatu, ima ioso i ku kamba, inda ua kà bhikila kiá o nguma ni nganga-sèse a-nda ku ku tumikisa-nê kuala Jihova Nzambi ié, muene anga u ku kuzula o kanga ia felu mu xingu, katé kiá ki u jima na-iu o mbutu.