Kolose 4:5 - O Mikanda Ikola

⁵ Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

Kolose 4:5 ပူးပေါင်းရင်းမြစ်များ

Jisálamu 90:12

Tu longe, Ngana, kukuata o konda ia izuua ietu, phala ku muẋima tu kale ni kilunji.

Daniiele 2:8

Sobha ukumbulula, uixi: Nga mono kuma mua mesena ku ngi landukisa; mukonda mua kʼijiia kuma nzoji ia ngi jimbi.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Marku 4:11

Muéne anga ua ambela, uixi: Enu Nzambi ua mi bhana o kuijiia ikutu ia Utuminu ué. Ió-phe, oso ala ku kanga, ima ioso a a tela-iu mu ifika.

Loma 16:19

Enu-phe o kutumaka kuenu ku mua mu tumaka o Njimbu Iambote, kua fumana ku athu oso. Kiene ki nga mu sangulukila mukonda dienu. Maji nga mi mesena mu kala mu jinjimu mu ima iambote, anga mu kala mu iximba mu ima iaiibha.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

I Tesalonika 4:12

Phala mu ende ni athu ku kanga kioso kia fuama; enʼuenu ue, ki mu bhindame ni kima.

I Timote 3:7

Ki bhinga ue athu ku kanga a mu bhela umbangi uambote, mbebhu ku pholo ku aia ka di bhale mu malebhu, ni mu mubhetu ua Diabhu.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

Tiiaku 3:13

Nanhi mudienu uejiia, uala njimu? Kiene-phe! Edikize o unjimu ni kuijiia mu muenhu uê uambote ni imbamba ioso ia bhanga mu kubelesela kua unjimu ni kuximbakata.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

I Phetele 3:1

Kiene ue enu ahatu beleselenu anume enu, phala né-mbe bhu kala ni iá a kamba kutumaka o maka ma Nzambi, ki bhekela ku a nganhala mu uendelu ua mbote ua ahatu â.