Kolose 3:4 - O Mikanda Ikola

⁴ Kristu muene uala muenhu uetu ua kidi, o kia kà tukuluka, enu uenu mua kà tukuluka kumoxi ni muène ku fuma.

Kolose 3:4 ပူးပေါင်းရင်းမြစ်များ

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 73:24

Eie u ngi bhana kaiula kioso ki ngenda jinga kunu, hádia u ngi tambule mu kibúta kibenha ni fuma.

Matesu 13:43

Kienhókio athu aiuka a kà di muika kala dikumbi ku mbanza ia Tata iâ. Uoso uala ni mátui, évue.

Luka 17:30

Kiene kimoxi kia kà bhita mu kizuua ki tukuluka o Monʼa Muthu.

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Jipoxolo 3:15

Monʼ a ngana ua bhanga o muenhu mua mu jibhenunu. Maji Nzambi-phe ua mu fukununa ku ʼalunga, o jimbangi jê etʼuene.

Loma 8:18

Kuma eme nga xinganeka kuamba o jihadi ja thembu ia kindala ji tua mu bhita na-ju mu ngongʼ umu, ki ji fuama ku ji fikisa ni fuma ioio hadia ia kà tu tukulukila.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

I Kolindo 1:7

katé kana-ku dibesá di mua fulu o kutambula, kiosuʼiki mua mu kinga o kutukuluka kua Ngana ietu Jezú Kristu.

I Kolindo 15:43

O uene kioso kia u funda, u sanga uaiibha, ua botomoka; maji o kioso ki u fukunuka, u sanga ua uabha, ua di sanze.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

I Tesalonika 4:17

O kia kà zubha o kufukunuka, ni etu tuala ku muenhu, tua xala-ku, tua kà zangumuka kumoxi ni ene ku matuta, phala kutakana ni Ngana mu dimbinza. Kieniokio tuà kaiela-ku kiá kumoxi ni Ngana.

I Timote 6:14

Aiuka o kijila kioso kia ku tumu, sè ngó kisemu, sè bhuma bhua tena ku ku éla, katé bhua kà tukulukila Ngana ietu Jezú Kristu.

II Timote 1:1

Eme Phaulu, poxolo ia Kristu Jezú mu vondadi ia Nzambi, a ngi tumu kuboka o njimbu ia kikanenu kia muenhu u tuene na-u mu kudibunda kuetu ni Kristu Jezú.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

I Nzuá 5:12

Uoso uala ni Mona, uala ni muenhu; uoso ua kambe kukala ni Monʼa Nzambi, ni muenhu kala na-u.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.