Kolose 3:24 - O Mikanda Ikola

²⁴ Mbata muejiia kuma mua kà tambula kua Ngana futu. Enu mua kà lundula o undûndu muène ua bhakela athuʼê. Mukonda o Ngana ia kidi i mua bhikila, Kristu.

Kolose 3:24 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Jisabhu 11:18

Mukua-phulu kia kalakala, kima kia bhanga ki ki tundu mbote; uoso-phe u kuna jimbutu ja kutetuluka, ua xikamena futu ia kidi.

Matesu 10:41

Uoso u tambulula polofeta mu dijina dia polofeta, ua kà mona kisakidilu kia polofeta; ni ió u tambulula muthu uaiuka mu dijina dia muthu uaiuka, ua kà mona kisakidilu kia muthu uaiuka.

Matesu 5:12

Tanenu-ku mu sanguluke! Kuma kisakidilu kienu hádia ki kala kia dikota mu diulu; mbata ni jipolofeta ja mi diangelele-ku kiene ue kia ji bhangele.

Matesu 5:46

Abha se mu zola ngó a mi zolo enu, mu kala ni kisakidilu kiahi? Manhi ni akua kutambula lubhaku ki kiene kia bhanga?

Matesu 6:16

Luamukuá dingi, se muedi mu jila, kana di suuata, kala kua mangonha. Mukonda ene a di iibhisa jipholo jâ, athu ni a a mone kuila ajidi. Ngi mi ambela kidi, ene a tambula kiá kisakidilu kiâ.

Matesu 6:5

O ki mu samba, kana kukala uila akua mangonha. Kuma ene a uabhela kuimana ni kusamba mu malombe, ni mu jiphambu mu nzunga, phala athu ku a mona. Ngi mi ambela kidi, ene a tambula kiá kisakidilu kiâ.

Luka 14:14

nda u kale ni kuzediua. Mukonda ene ka tena ku ku vutuila, mu kufuta ki ua a bhange. Maji vutuilu iê-phe ua kà i tambula kua Nzambi, kizuua ki fukunuka athu oso abhangi-a-mbote.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Jipoxolo 20:32

Kiki-phe nga mi xalesa ni ku mi bhakula kua Nzambi ku mi langa, ni mu Njimbu iê ia kiadi i tena o ku mi tunga. Mukonda Muène ua ki soko o ku mi kuatekesa ni muie dingi ku pholo mu nzumbi, ni ku mi bhana o mabesá ió a bhaka Muène phala o mundu uê uoso.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

Loma 14:18

Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

I Kolindo 11:23

Kuma eme nga tambula kua Ngana, kioso ki nga mi longo enu, kuila; Ngana Jezú, usuku uenʼ ió ua mu bhakuile ku jinguma, ua katuile o mbolo,

I Kolindo 3:8

Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

I Kolindo 7:22

Kuma uoso a mu ixana kuala Ngana mu ubhika muala, ua biluka fôlo ia ngene ia Ngana. Kiene ue kimoxi o muthu uala fôlo a mu ixana kuala Kristu, uala mubhikʼ a ngene a Kristu.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Efezo 6:6

Kana kukumbidila ngó kioso ene kia kala ku mi tala mesu, kala mualù sota ku di uabhesa ku athu. Maji muila kala mu abhika a Kristu, mualù bhanga o vondadi ia Nzambi ni muẋima.

Efezo 6:8

Lembalalenu kuma kima kioso ki bhanga muthu, kiene kia kà tambula dingi kua Ngana, kixi uala u mubhika, kixi u fôlo.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Jihebeleu 10:35

Uila kiki, o kubhua uôma ku muala na-ku, ki mu ku ehe, mbata sai ni dilau diê dia dikota.

Jihebeleu 11:6

Muthu-phe ua kambe o kuxikana ka tena kuuabhela Nzambi. Kuma uoso uiza kua Nzambi ki kala u xikana kuila sai-ku Nzambi, kuma muène mukua kubhandulula oso a mu sota ni muanu.

Jihebeleu 9:15

Kienʼ iki-phe, Kristu kiene kia mu bhekela kukala mutesi a kikutu kiobhe, phala oso ngó a exana kuala Nzambi a tene kutambula o mabesá ma nangenena ma polomesa iê. Kuma sai kalunga ka bhitile-bhu phala kutena kukula o athu ku ituxi iâ ia tele mu thembu ia kikutu kia diangele-ku.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

Lute 2:12

Jihova a ku futé-kiu kioso ki ua bhange; o kisakidilu kié ki kale kia dikota ki ku bha Jihova, Nzambi ia Izalaiele, ua bhingi moxi a mabhabha-mê muene mu ueza kusota kididi kia kukala.