Kolose 3:20 - O Mikanda Ikola

²⁰ Enu ana, tumakenu adi enu mu ima ioso, kuma kiene kia mi fuama mu ukidistá, o Ngana ue ki mu uabhela kiambote.

Kolose 3:20 ပူးပေါင်းရင်းမြစ်များ

Dimatekenu 28:7

Jakobo iú ua tumaka tatʼâ ni mamʼâ, iú ua katuka iú uai muene ku Padalane.

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Jisabhu 20:20

Uoso u xinga tatʼâ mba mamʼâ, mvela iê ia kà jima, anga u xalela mu kitombe ki bheka kikote.

Jisabhu 30:11

Sai-ku muiji ua athu a lebhula tatʼâ, o manhʼâ a tokoka ku mu tanga o mbote.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Jisabhu 6:20

Eie monʼami aiuka o kitumu kia tatʼenu, o ngonge ia mamʼenu-phe ku i ehe.

Jelemiia 35:8

Tua tumaka-phe o dízui dia Jonadabe, monʼa Lekabe, tatʼetu, mu iene ioso ia tuʼambela; kí kia tu bhekela kuila mu izuua ietu ioso ki tu tena kúnua vinhu, kixi etu, kixi ahetuʼetu, kixi anʼetu a mala, kixi anʼetu a ahatu.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Ijila 19:3

Muthu ni muthu aẋile manhiʼâ, aẋile phaiiʼâ, ende ue ni kualuka o izuua iami ia jisabhalu; Eme-muene Jihova Nzambi ienu nga ki ambe.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Matesu 19:19

Tatʼenu ni mamʼenu a bhane ujitu; Mukuenu mu zole kala ki ua di zola eie-muène.

Efezo 5:24

Uila kiki-phe, kala o Ngeleja ki i belesela Kristu, kiene ue jindona ji belesele anumiʼâ mu ima ioso.

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 3:22

Enu abhika, tumakenu oso jingana jenu mu xitu. Kana kukumbidila ngó ku mesu mu ku di uabhesa ku athu, kioso ene ki a kala mu ku mi talesa, mbé a tene ku mi uabhela, maji kota kukumbidila ni ufiiele ua muẋima ku uôma ua Ngana.

Tito 2:9

Longesa abhika a di tume kiambote ni jingana jâ, a a uabhese o muẋima mu ima ioso. Ka te-bhu phata, mba aia ni kuvutula.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

Lute 3:5

Lute anga u mu ambela, uixi: Kioso ki ua ngi tangela kiene ki ngi bhanga.