Kolose 3:17 - O Mikanda Ikola

¹⁷ Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

Kolose 3:17 ပူးပေါင်းရင်းမြစ်များ

I Jisobha 18:32

Anga mu dijina dia Ngana, u tunga o kalatódio ni matadi enhó, hé uiza, u kanda mulombo mu jimbandu ja kalatódio, kukula kuê mu soka izongelu iiadi ia mbutu.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Mikeia 4:5

Mukonda o kiki ifuẋi ioso a mu kuendela, muthu mu dijina dia nzambi iê, muthu mu dijina dia nzambi iê; etu-phe tua kʼèndela mu dijina dia Jihova Nzambi ietu, ku izuua ni izuua ki iene ni dizubhilu.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Jipoxolo 19:17

Kienʼiki anga a kʼivua kuala athu oso a tungu mu Efezo, ni Jijudé, ni Jingeleku. Anga uôma u a kuata ene oso, o dijina dia Ngana Jezú hé di fumana.

Jipoxolo 4:30

Eie, Ngana, sununa o lúkuaku lué ni kusaka, phala a bhange isumua ni nadiuanu mu dijina dia Selevende ié Ukôla, Jezú.

Loma 1:8

Kima kia dianga, nga sakidila Nzambi iami kua Jezú Kristu mukonda dia enu oso; kuma o kuxikana kuenu kua fumana mu ngongo ioso.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Efezo 5:20

Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

Kolose 1:12

Muenda ni kusanguluka mu kusakidila Tata ua tu bhangesa o kufuama kididi kietu mu undundu ua akua Ngana mu Utuminu ua mukengeji.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

Kolose 3:23

Ioso-ioso i mu bhanga, mu kalakala ni muẋima uoso, kuma Ngana mua mu kalakela, ki athu.

I Tesalonika 1:1

Eme Phaulu, ni Sidivanu, ni Timote, tua sonekena o jiphange jala mu Ngeleja iala mu mbanza ia Tesalonika. Enu mua tokala Nzambi, Tata, ni Ngana Jezú Kristu. Ku kale kiadi ku mualʼ oko, ni kutululuka kua soko.

I Tesalonika 5:18

Sakidilenu Nzambi mu ima ioso; kuma iene o vondadi ia mi kala na-iu muène, mua Kristu Jezú.

II Tesalonika 2:17

a mi izalese o miẋima ni kubhua uôma, a mi suinise ni mu kuzuela ni mu kubhanga ima ioso iambote.

Jihebeleu 1:5

Kuma anju kuẋi, Nzambi iambelele uixi: Eie u monʼ ami, lelu muene nga di bhange ngi Tata ié. Kana-ku ue anju iambelele uixi: Eme ngi kala ngi Tatʼ enu, eie u kala u monʼ ami?

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

I Nzuá 2:23

Mbata uoso u dituna o Mona, muenhó ua ditunu ue ni Tata. O uoso u xikana o Mona, ni Tata uala-nê.

I Nzuá 3:18

Enu, tata, tuana tuami! O henda ietu i tu di zola na-iu, ki i kale ia maka ngó mu kuzuela mba izuelu ia hatu i tunga ngó bhu dimi. Maji ia fuama i kala henda ia kidi, i di londekeza jinga mu ima ioso i tu bhanga.