Kolose 3:16 - O Mikanda Ikola

¹⁶ O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

Kolose 3:16 ပူးပေါင်းရင်းမြစ်များ

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Malunda 25:7

O dialuilu diâ kiakiexile mu ku a alula kumoxi ni jiphange jâ, a dilongo kiambote mu kuimbila Jihova, atena jinga hama jiiadi ni makuinhi nake ni nake; ene oso jimesene muene ja kuimba.

Nehemiia 12:46

Mukonda tunde kiá mu xahulu, mu izuua ia Davidi, ni ia Asafo, kua kexile jinge atumini a jingimba, ni mimbu ia kuximana, ni kusakidila Nzambi.

Jobe 23:12

Ku kijila kia mizumbu iê, tundeʼami ukulu kiluua ngi tunda-ku; o maka ma dikanu diê, ma beta ku ngi uabhela o kúdia kuami ndenge.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 119:54

Maka ma kaiula ké, ma di bhange ene o mimbu iami ia kuimba, mu inhunginu iami mumu, mu ngala kubhita.

Jisálamu 138:1

Ngi ku ximana Ngana, ni muẋima uami uoso; bhu pholo ia jinzambi, ngi ku tumbula-bhu eie.

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 32:7

Kuma uoso ua kondamena ko kué, eie u mu bhaka kididi; ka mu tatesa dingi, maji u kala mu kuimba, mu kusangulukila o ubhulukilu ué. (Selah.)

Jisálamu 71:23

Mizumbu iami i kala jinga ni huii mu ku ku imbila eie; katé ni muẋima moxi, u sanguluka jinga, kuma ngi muthu ué ua ngi kula.

Jisabhu 14:8

Muthu ua dimuka, unjimu uê o ku tongolola kiambote o njila iê; maji o usemenhi ua maioua-phe, o kunganala.

Jisabhu 18:1

Muthu ki muiza kubhanga o jivondadi, jê, u baluka; o unjimu ua kidiʼó, u sola kúlua na-u.

Mukumbi ua Mikumbi 1:1

Mukumbi ua mimbu ia Solomá.

Izaía 10:2

Mbé kubhanga o phulu mu ku fundisa o jingadiama ni kukatula o kulunga ku jiphulungu ja mundu uami; phala o kubhûnda atudi, ni kunhana o jihukunhu.

Izaía 26:1

Mu kizuuʼokio mʼoxi ia Juda à kala mu kuimba mukumbi iú exi: Tuala ni mbanza ia di-fikidila! Nzambi ua i bhana ubhulukilu, ua di bhange malumbu ni imbaka!

Izaía 30:29

Muʼaxaxi kenu-phe mua-nda ku kala muimbu kala mu usuku ua kutulula o kizokola kikôla; muẋima ua-nda ku mi sanguluka kala muthu u xika ngaieta mu kuiza ku mulundu ua Jihova, kua Ndanji ia Izalaiele.

Izaía 5:1

Kiki kiá ngʼimbila kazola kami, o mukumbi ua hate iami, bhu kaẋi ni díbhia dia muvide uê. Kazola kami uene ni díbhia dia muvide uê, bhu kalundu ka mavu a bhana idima.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Matesu 26:30

Kia zubha kuimba muimbu, a tunda, anga aia ku mulundu ua Midiva.

Luka 2:51

Muène anga u kulumuka-nâ, hé aia mu Nazalé, anga u kala mu ku a tumaka. Manhʼâ, anga u lunda o maka mosoʼ ama ku muẋima uê.

Nzuá 15:7

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

Loma 10:17

Mu kieniiki o kuxikana kuijiia mù kuivua o hundu, o kuivua o hundu, kuijiia ku Njimbu Iambote ia Kristu. Mu kieniiki, o kuxikana kuijiia mù kuivua o ngolokela, o kuivua o ngolokela, kuijiia ku Njimbu Iambote ia Kristu.

Loma 15:14

Eme uami-phe, phange jami, ngejiia kidi kuma enu muezala ni vondadi iambote, muezala ni kuijiia; uila kiki mua soko-bhu ku di longesa mudienu.

I Kolindo 14:15

Ngi bhanga-phe kiebhi? Ngi samba ni nzumbi, maji ngi samba ue ni kilunji. Ngʼimba ni nzumbi, maji ngʼ imba ue ni kilunji.

I Kolindo 14:26

Muedi-phe kiebhi, enu jiphange? Ngandala ku mi ambela kiki: O ki mu bhongoloka mu Ngeleja, iú u kuata muimbu, iú u kuata maka ma kulonga, iú u kuata kujingununa ima ia jinganana ia Nzambi, iú u kuata kulonga mu mbimbi jengi, o iú u kuata kulombolola kioso kia jimbulula o maka a mu longa ió. Inda ima ioso mu i bhanga kala kia fuama mu kukuatekesa o Ngeleja.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Efezo 5:17

Kana kukala-phe mua tobho, maji mu tongolola ioso o vondadi ia mi mesena Nzambi o kubhanga.

Efezo 5:19

Mu kale mu ku di kunda mudienu ni jisalamu, ni mikumbi ia nzumbi. Muila ni kuimbila Ngana mimbu ni jisalamu ni muẋima ua ku mu sakidila.

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

Kolose 1:9

Mukonda dia kiki, etu uetu, tunde kizuua ki tua kʼivu, tua kuata kusamba kua Nzambi sé kufula, ni ku mi bhingila enu. Tua mu bhinga kua Nzambi, phala enu muizale ni kuijiia kua kutongolola o vondadi iê muene, ni unjimu ua kutongoloka koko kuene mú bhana o Nzumbi ia Nzambi.

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.

I Tesalonika 1:8

Kuma o maka ma Ngana ma tundu ko kuenu, ia a fumana, kana ngó ku Masedonia ni ku Akaia, maji katé ni ku ididi ioso, o kuxikana kuenu ku muala na-ku kua Nzambi, kua fumana; o kiki etu ki tu bhingi dingi kuzuela kima.

I Tesalonika 4:18

Uila kiki, di kondienu o malamba mudienu ni maka enʼiâ.

II Tesalonika 3:15

Maji kana-phe ku mu kita nguma ienu, inda mu mu bazela kala phangʼienu.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

Tito 3:6

Nzambi mukonda dia henda iê ia dikota ia-la na-iu, Nzumbi iê Ikôla ua mu lundulula kía nzungule ku thandu dietu, mukonda dia Jezú Kristu, Mubhuludi uetu.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

Tiiaku 5:13

Se sai-ku muthu mudienu uala kutala hadi, a sambe. Se sai-ku ua sanguluka, embe mimbu ia kusakidila.

I Nzuá 2:14

Nga mi sonekena, enu tuana, mukonda o Tata mua mu ijiia. Nga mi sonekena, enu jitata, mukonda ió ua kalèla-ku tunde ku dimatekenu dia mundu mua mu ijiia. Nga mi sonekena, enu minzangala, mukonda mua suina. Mbata o maka ma Nzambi ma tungu moxi dienu, o Diabhu ió mukua kutondalesa, mua mu tolola.

I Nzuá 2:24

Kala kiki, enu-phe njimbu ioso i muevu tunde ku dimatekenu, i mi tunge moxi dienu. Mukonda, o ki kala njimbu ioso i muevu tunde ku dimatekenu, i tunga moxi dia miẋima ienu, enu-phe mu kala mu ukamba kumoxi ni Mona ni Tata.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.

II Nzuá 1:2

Kia mi bhangesa o ku mi zola, o kidi kia tunga moxi dienu, ki tuandú xala jinga na-kiu katé ku hádia ni hádia.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.