Kolose 3:15 - O Mikanda Ikola

¹⁵ O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

Kolose 3:15 ပူးပေါင်းရင်းမြစ်များ

Jisálamu 100:4

Bokuenenu bhu mabhitu mê ni kusakidila, mu tule mu malumbu mê ni mimbu ia kuximana; ximanenu ni ku tumbula o dijina diê,

Jisálamu 107:22

A mu satele jisata ja kusakidila, o ikalakalu iê a i tumbule ni kuimba ni kusanguluka.

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Izaía 26:3

Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Izaía 27:5

Mba bhu kala uoso u ngi-bua o jinguzu, u bhanga paze nʼeme; kiene muene, ió muene u di tambulula nʼeme.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Jona 2:9

Maji eme-phe ngi ku satela, ni kuimba ni mbimbi ia kusakidila; ngi futa ioso i nga di hambelela kua Jihova; o kubhuluka kuami ku tunda kua Jihova.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

I Kolindo 10:17

Némbe etu tua vulu, etu oso tu dia ku mbolo imoxi, iene imoxiʼ èlele. Kiene ue ki tua kexila tu mukutu umoxi ngó.

I Kolindo 7:15

Maji o diiala mba muhatu ua kambe kuxikana-phe, kia bhindamena ku di ambudisa, aiê. Mukonda bhu kaẋiʼabha o diiala uala kidistá, mba muhatu uala kidistá, ua jituka phala kutena kusola. Mukonda Nzambi ua tu ixanena kukala ni muenhu ua kutululuka.

II Kolindo 4:15

Kuma ima iene ioso iii ia bhitila mukonda dienu. Mu kienhiki o kiadi kia Nzambi ki kale mu kusambuka dingi ku athu avulu, o athu enhá na kale mu vudisa dingi o misambu ia kusakidila, mu kufumanesa Nzambi.

II Kolindo 9:11

Muène ua kà mi bhanga kukala mu jimvuama mu ima ioso, katé ni ua kubhana kia nzungule. Anga kia kà bhekela athu avulu kusakidila Nzambi mukonda dia ujitu uenu u muala ku a tumikisa bhu maku etu.

Efezo 4:16

O mu ku di tuma kuetu ni muène Kristu, o mukutu uoso u di banda kiambote, u di sokejeka ku idiandu i kumbidila mu ididi iê, mukutu uoso anga u kala mù kula, u kala mù tungiua ni henda.

Efezo 4:4

Sai-ku mukutu umoxi ngó ni Nzumbi imoxi, ni kima kimoxi kia mi dielelesa enu oso mu ku mʼixana kua Nzambi.

Efezo 5:1

Endenu-phe ni kufikisa Nzambi, kala mu anʼ ê a muẋima.

Efezo 5:20

Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.

Kolose 1:12

Muenda ni kusanguluka mu kusakidila Tata ua tu bhangesa o kufuama kididi kietu mu undundu ua akua Ngana mu Utuminu ua mukengeji.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

Kolose 3:17

Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

I Tesalonika 5:18

Sakidilenu Nzambi mu ima ioso; kuma iene o vondadi ia mi kala na-iu muène, mua Kristu Jezú.

I Timote 2:1

Nga ku ambela-phe kuma, ku ima ioso, ku dianga o kubheza, ni kusamba, ni kusamba, ni kusakidila Nzambi mukonda dia athu oso.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

Dijingunuinu 7:12

exi: Kidi muén! Amén! Ni diximanu, ni fuma, ni ungana, ni kuijiia, ni kisakidilu, ni ujitu, ni ukota, ni uzonda, uangene ua Nzambi ietu katé ku hádia ni hádia! Amén!