Kolose 3:12 - O Mikanda Ikola

¹² Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

Kolose 3:12 ပူးပေါင်းရင်းမြစ်များ

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 45:4

Mukonda dia henda ia selevende iami Jakobo, ni Izalaiele dia thungule iami, eme nga ku ixana muene eie mu dijina, eme nga ku luku dijina dia muiji, sumbala eie kua ngʼijiia.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Izaía 65:22

Ene ka kà tunga phala akuâ engi kukala-mu; ka kà phapha phala athu engi ku i dia; mbata o izuua ia mundu uami ia kà soka ni izuua ia ukudilu ua muxi, ni athuʼami òsole a kà kemba ni ikalakalu ia maku mâ katé mu ukukilu.

Izaía 65:9

Nga ká sokolola mbutu mua Jakobo, o mua Juda nga kà tungula-mu mulundudi, muene u tambula konda ia milundu iami; jithungunu jami a kà lundula oxi, jiselevende jami muene mu a kà tunga.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 31:3

Kithangana kiá kia bhiti-bhu tundé kia ngi tukulukila Jihova, uixi: Tala, nga ku zolo ni henda ki i moneka dizubhilu, nga ku sungu ue ni jihenda ja kulenduka, kokuami.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Marku 13:20

Ngana se ua kambele kufikisa izuuʼ oio, kana xitu ieji kubhuluka. Maji mukonda-phe dia athuʼê angene a Nzambi, a solo muene phala ku a bhulula, izuua ienhoio a i fikisa kia.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Marku 13:27

Muene ua ka tuma ji-anju je ni ji bhongolole athuʼê angene ku mbandu jiuana ku tunda o kitembu, tunde kua suku oʼxi kate kua suku o diulu.

Luka 1:78

mukonda Nzambi ietu, Nzambi ia jihenda ni mbote! Ua bhangesa Dikumbi-dia-Thunda ku tu zungila,

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 9:11

o ana ene kiluua a a vuala, kiluua a bhanga kima kiauabha mba kiaiibha, phala o vondadi ia Nzambi ia kusola nʼ a ijiie kuila kana mu imbamba ia kubhanga, maji mù kuixana kua Nzambi muene,

I Kolindo 13:4

O henda i kolokota mu jihadi, i lenduka. O henda ki i moneka dixinga, o henda ki iene izala, mba ukumbu.

II Kolindo 6:6

O mu kuzela kuetu, ni kuijiia, ni mu kuxididika, ni mu kulenduka kuetu ku tuala na-ku, tu edikiza kuma tuala tu jingunza ja Nzambi. Imʼiii tua idikizila mua Nzumbi Ikôla, ni mu henda ietu ia kambe ku di bhangesa,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Efezo 4:2

Ithangana ioso muila ni kubatâma kuoso, ni kubelesela, ni kuxididika, ni ku di lendukila. Mu londekesa jinga o henda ienu mu ku di kuatekesa kala muthu ni mukuâ.

Efezo 4:24

Mu zuata o muthu uobhe a mu bhangulula mu kidifua kia Nzambi, ki di monekena mu kukala ni muenhu ua kuiuka, ni mu kuzela kua kidi.

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

Tito 1:1

Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

I Nzuá 4:19

Etu tu zola, mukonda Nzambi muène ua diangela ku tu zola.

II Nzuá 1:13

O anʼ a phangʼié ia muhatu, monʼ a ngene, a mu sola kuala Nzambi, a tumu ku ku menekena. Mahezu.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.