Kolose 3:10 - O Mikanda Ikola

¹⁰ enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

Kolose 3:10 ပူးပေါင်းရင်းမြစ်များ

Dimatekenu 5:1

Didi diene o divulu dia Ingo ia vumu ia Adá: Kizuua kia bhanga Nzambi o muthu, ua mu bhange mu kidifuanganu kiene kia Nzambi;

Jobe 29:14

Eme nga di vunga jinga o kuiuka, o kuene kua dibhangele kiá kiene o kizuatu kiami, o kubhanga ima ia ku kamba kathômbo kua di bhangele kiá diene o divunga diami ni kitundu kiami kia mútue.

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 59:17

Kuma ua zakela kulúnga kala kivunga-thulu kia ita, o ku mútue ua zuata kapasete ka kubhuluka, iu ua zuata izuatu ia phonzo, ua di vungu o kuzokela kua difuba kala dibeka.

Izekiiele 11:19

Hé nga kà a bhana muẋima uâ umoxi, o moxi diâ anga ngi ta-mu nzumbi ia ubhe; o muẋima ua ditadi uala mu xitu iâ nga kà u katula-mu, hé ngi bhinganesa-mu muẋima ua jixitu.

Izekiiele 18:31

Zulenu itondalu ienu ioso i mua tondala na-iu, mʼoxi dienu mu bhangemu muẋima ua ubhe ni nzumbi ia ubhe; mbata mua-nda fuilaʼhi ngoho, enu mu dibhata dia Izalaiele, tata?

Izekiiele 36:26

Anga nga kà mi bhana muẋima ua ubhe, ni nzumbi ia ubhe, i ngi ta moxi dienu; o muẋima ua xitu ienu, ua ditadi, nga kà u katula-mu, anga ngi mi bhana muẋima ua misuínhi.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 6:4

Kioso kia tu batizalele, a tu fundile-nê kumoxi mu ʼalunga. Kala-phe kia fukunuka Kristu mu ʼalunga mu kutena kua fuma ia Tata, etu uetu tuende kiá uendelu ua muenhu uobhe.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:16

Mukonda dia kiki, ki tu kuata usudi. Né-mbe o mukutu uetu iú ua bhoxi uia ni kujila, mukutu uetu ua nzumbi-phe uia ni kukala dingi ua ubhe kizuua ni kizuua.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

Ngalásia 3:27

Kuma oso mudienu a mi batizala mu dijina dia Kristu, mua zuata kiá o kikexilu kia muène Kristu.

Ngalásia 6:15

Kuma mua Kristu Jezú, ki u kala a ku saie, ki u kala ka ku saie, kiene kioso ki kia kate-ku kima; kia kate-ku o ku mi bhangulula athu obhe.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 2:15

Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

Kolose 3:14

Ku ima ioso-phe, kota o henda, kuma o henda iene o dijikita di kuta o uthu uatenena.

Filemone 1:6

Ngalù bhinga ue Ngana Nzambi phala o kuongama kuetu mu kuxikanʼoko kua tu kutu kumoxi ni eie, kubhekele o kuijidisa dingi kiasoko o mabesá moso mu tuene mu kutambula ku muenhu, mukonda dia kisangela kietu ni Kristu Jezú.

Jihebeleu 6:6

Maji o ku pholo ku eza kunu a lueza, o kuxikana a ku texi! Ki ki xikina ku a bheka dingi mu kudiela, kiosuʼiki kiala kuila o Monʼa Nzambi a mu tona ku mu ta ku dikulusu, a mu sebulula bhu pholo ia mundu.

I Nzuá 2:3

Kiene ki tu kʼijidila kuila Nzambi tua mu ijiia, se tu aiuka o ijila iê.

I Nzuá 2:5

Uoso-phe u aiuka o maka mê, ni kidi kiene moxi diê muala o henda ia Nzambi ia soko. Bhene bhu tu kʼijidila kuma tuala kumoxi ni Nzambi.

Dijingunuinu 21:5

Bhenhobho, muène ua xikama bhu kiandu, anga u zuela, uixi: Kindala ima ioso nga i bhangulula ku ubhe! Hé u ngʼambela, uixi: Kiki soneka-kiu! Kuma maka iá a kidi, a tokala ku a dielela.