Kolose 2:9 - O Mikanda Ikola

⁹ Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.

Kolose 2:9 ပူးပေါင်းရင်းမြစ်များ

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Luka 14:22

Ki bhua bhiti kithangana, mubhika anga uiza, hé uambela ngana iê, uixi: Ngana, kioso kia ua tumu nga ki bhange kiá, hanji-phe sai kididi.

Luka 3:22

O Nzumbi Ikôla anga u tuluka mu kikexilu kia mukutu, ua difangana diembe, anga u tula ku thandu diê. Ku diulu anga ku tunda dízui, dixi: Eiemuène u Monʼami nga ku zola, ua ngi uabhela kiambote.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 10:30

Mbata eme ni Tata, etuʼ ene umoxi.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 14:20

Kizuua kiókio mua kʼejiia kuma eme ngala mua Tata, enu muala mo muami, eme ngala mo muenu.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Nzuá 2:21

Muène-phe ua tange o tembulu ia mukutu uê-muène.

Jipoxolo 17:29

Ki tu kala-phe tu anʼ a Nzambi, ki tu fuama ku ki fika kuila o Nzambi u di fangana ni kiteka kia ulu, mba phalata, mba ditadi diosonge ku uhete ni ufunu ua muthu.

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

Kolose 1:19

Kuma kia vondadi ia Nzambi muene, kuila o Mona, uvimba uoso ua Nzambi Tata, u tunga mua muène ni kutenena kuoso.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

I Nzuá 5:7

Mbata sai kitatu a bhana umbangi mu diulu: Ni Tata, ni Diambu, ni Nzumbi Ikôla; ene kitatu kiâ a di bhanga Umoxi.