Kolose 2:4 - O Mikanda Ikola

⁴ Nga zuela kiki, phala kana muthu a mi jimbidise mu kuzuela kuê kua kubhomba, né-mbe mua mu mono muene uala muthu uambote.

Kolose 2:4 ပူးပေါင်းရင်းမြစ်များ

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:4

Jezú anga u a vutuila, uixi: Alukenu, kana muthu a mi jimbidise.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Jipoxolo 20:30

Ni mudienu muene, hinu mu moneka athu a tanga ima ia makutu, ia kutondalesa, hé a sunga jixibulu ku mbandu iâ.

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Efezo 4:17

Ngambe-phe kiki, nga mi bhana umbangi mua Ngana, kuma: Ki mu ende dingi kala ki enda o matumbu ió kene Nzambi mu usemenhi uâ,

Efezo 5:6

Ki bhu kale muthu u mi nganala ni maka ma usemenhi; kuma ima ienʼ íii iene i bheka o njinda ia Nzambi ku thandu dia oso abhukumuka.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

II Timote 2:16

O kubuabuala kua ulalu-phe kua ibhila Nzambi, eie lenga-ku! Kuma kuenhoko kubheka kubhuma kusandula dingi kiavulu athu mu njila ia Ngana Nzambi.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

I Nzuá 2:18

Enu tuana tuami, kumbʼidi diene dia sukidila-ku. O ki muevuʼokio, kuila hinu kuiza Kristu ia makutu, kiene kiabhuʼiki. Kuma kiki kueza kiá jikristu javulu ja makutu, kiene ki tua kʼijidila kuila o kumbʼidi diene kiá dia sukidilaku, o dizubhilu dia zukama.

I Nzuá 2:26

Imʼiii nga mi sonekena-iu, mukonda dia enhó a mu mesena ku mi jimbidisa.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 20:3

Anga u mu takula mu dikungu ki di moneka hole, hé u di jika, anga u mu tela-ku kidimbu, phala ka bhombe dingi akua jixi, katé ki-bhua kubhita o midi ia mivu. O midi ia mivu ki i zubha kubhita, ki bhinga a mu jituna hanji kathangana.

Dijingunuinu 20:8

Hé u tunda mu kubhomba akua jixi, a di muangena mu ngongo ioso, ene a Ngongo ni Mangongo. Enhá Satana ua-nda ku a bhongolola phala kuiza ku ita, o kuvula kuâ mukuâ ni kisèkele bhu ndúndu ia kalunga.