Kolose 2:23 - O Mikanda Ikola

²³ Ima kala iii, a i fika muene kala unjimu, ni mu kubheza kuê kua vondadi iâ ene, ni mu ku di tununa, ni mu ku di tumina o mukutu. Maji ima ioso iii, ujitu uê-phe ki ua kidi, kuma i bhanga ngó vondadi ia xitu, ki i tena kufidisa jihânji ja xitu.

Kolose 2:23 ပူးပေါင်းရင်းမြစ်များ

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Efezo 5:29

Mukonda muthu kene mù zemba o mukutu ué-muène. Maji u u dikila, u u tambula konda, kala ki bhanga Kristu ku Ngeleja.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Kolose 2:22

o iene ioso ia kidika iii, iambamba i di bota mu ku i kuata ngó bhu maku. Ioso iii ia tundu ngó mu ijila ni ilunji ia athu.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

I Timote 4:3

Athu iâ a kà kidika o kukazala exi ki kua tokala, a kà tuma kujila xitu ni makudia ma mukuâ. Maji o makudia iá, Nzambi ua a bhanga phala ku a tambula ni ku a dia kuala ió a xikana ia ejiia o kidi. Inda o mu kudia, mu dianga jinga kusamba musambu ua kusakidila.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.