Kolose 2:20 - O Mikanda Ikola

²⁰ Se o Kristu mua fuila-nê kumoxi, jindonda ja mu ngongʼ umu mua ji ehela-ku kiá. O kiki-phe mu alukila-hi dingi ku ima ia mu ngongo, hé mu bhikila o ijila ioio iala ku mi xina o athu?

Kolose 2:20 ပူးပေါင်းရင်းမြစ်များ

Nzuá 15:19

Se enu mua tokalele ku mundu, o mundu ueji kuzola o kiê. Maji mukonda ki mu tokala ku mundu, mbata eme nga mi tungula ku mundu, kiene mundu ki ua mi zembela.

II Kolindo 10:3

Sumbala tuala mu xitu, kidi. Maji o kulua kuetu ki kua kaiela xitu.

Ngalásia 4:3

Kiene kimoxi ue ni etu kioso ki tua kexile tu anandenge mu nzumbi, tua kexile mu ubhika ua imbamba iala ni nguzu ia kutumina mu ngongʼ umu.

Ngalásia 6:14

Eme-phe kuta thathe nga ki tokoka, kikale ngi di thathela ngó o dikulusu dia Ngana ietu Jezú Kristu. Kuma o dikulusu dia Kristu diene dia fuisa mundu iú phala eme, diene ue dia ngi fuisa eme phala o mundu iú.

Efezo 2:15

Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Kolose 2:14

Ua jimuna o mukanda ua makongo etu, a tu kuikile mukonda dia ijila ia Kitumu. Ima ia tu fudisile ua i katula mu njila, o mukanda ua dikongo dietu ua u batela ku dikulusu diê.

Kolose 2:16

Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.

Kolose 2:21

Exi: Kana kubabata kiki, kana kulola kiokio, kana kukuata kiná—

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

Kolose 3:3

Kuma enu muafu kiá, muenhu uenu a u sueka ni Kristu kua Nzambi.

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.