Kolose 2:2 - O Mikanda Ikola

² Nginda a bhetuke mu miẋima iâ, a takane kumoxi mu henda, a kale ni jimbongo ja kubhua phata mu kutongoloka, ejiie o kijinganu kia Nzambi, muène Kristu.

Kolose 2:2 ပူးပေါင်းရင်းမြစ်များ

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

Jisálamu 133:1

Kidi bá! kima kia fuama, kia di uabhela kiambote, ki u sanga jiphange a takana mu muẋima umoxi!

Izaía 32:17

O ibundu ia kuiuka ia kà kala kutululuka; o ukalakelu ua kuiuka o kunhoha ni ku kondama mu thembu joso.

Izaía 40:1

Athu ami a kondienu malamba, a kondienu malamba, kiene kiambe Nzambi ienu.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Luka 1:1

Kamba diami Tiiófilu: Athu avulu kiá a kuata kusoneka mu Mikanda o ima ioso ia bhitile mu dietu.

Nzuá 10:30

Mbata eme ni Tata, etuʼ ene umoxi.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 16:15

Ima ioso iala na-iu Tata, iami. Kiene ki nga ki ambela, ngixi: O Nzumbi ua kà katula ko kuami, nʼa mi tudila enu.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 5:17

Jezú-phe ua a vutuila, uixi: Tata iami ua mu kalakala katé kindala; eme uami ngi kalakala.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Nzuá 6:69

Etu tua xikana, tua kʼijiia kuma eie u Muthu Ukôla ua tundu kua Nzambi.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

I Kolindo 14:31

Enuʼ enu oso mu tena kutula o Njimbu ia Nzambi mu umoxi-umoxi, phala ene oso a di longe, a di bhetule o miẋima.

I Kolindo 2:12

Tua tambula-phe, kana o nzumbi iene ku mundu, maji o Nzumbi i tunda kua Nzambi, phala imʼ oio tu ijiie ioso ia tu bhana Nzambi mu ujitu.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Efezo 3:3

Kuma o kikutu kia Nzambi kia suekele, ua ngi idikiza-kiu mu kisumua. (Tu-maka tutu eme nga tu soneka kiá,

Efezo 6:22

Kiene ki nga mu katuila, eme nga mu tumu ku mualʼ oko, phala mu ivue ki tuala, muène nʼ a mi konde o malamba ku miẋima.

Filipe 2:1

Uila kiki, mua Kristu se muala o kulunga, se muala kutululuka kua henda, se muala ukamba ua Nzumbi, se muala jihânji ni jihenda,

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Kolose 1:26

Mukonda o Maka enhá, kiene o kijinganu kia jinganene tundé ku xahulu ni ku miji ioso, lelu-phe kí kia jingunukina akua Ngana.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.

Kolose 1:9

Mukonda dia kiki, etu uetu, tunde kizuua ki tua kʼivu, tua kuata kusamba kua Nzambi sé kufula, ni ku mi bhingila enu. Tua mu bhinga kua Nzambi, phala enu muizale ni kuijiia kua kutongolola o vondadi iê muene, ni unjimu ua kutongoloka koko kuene mú bhana o Nzumbi ia Nzambi.

Kolose 2:19

Ka kuatenena dingi kua Kristu, o Mutue ió ua tokala mukutu uoso. Mukonda mu kutena kua Kristu, mukutu uoso uivua kuila ua di sokejeka kiambote, ua takana ni mu masokuelu ni mixibha, anga u kala mu kukula o ukudilu ua mesena Nzambi kuila kiene ki u kula.

Kolose 3:14

Ku ima ioso-phe, kota o henda, kuma o henda iene o dijikita di kuta o uthu uatenena.

Kolose 4:3

Ki mu kambe ue ku tu sambela etu, phala Nzambi a tu jikuile dibhitu dia kutanga o maka mê, ni dia kutangela o mundu o kijinganu kia Kristu. Mukonda o kijinganu kia Kristu, kiene kia ngi bhekela o ku ngi kuika ni kukala ku malubhambu.

Kolose 4:8

Kiene ki nga mu katuila, phala ni aie, a mi mone kioso ki muala, ni a mi suinise miẋima.

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.

I Tesalonika 3:2

Hé tu kana kuxala ubheka uetu mu Atena. Anga tu katula phangʼ ietu Timote, ngunza ia Nzambi, mukalakadi ni mukuetu mu kutula o Njimbu Iambote ia Kristu, tua mu tumu phala ku mi suinisa mu kuxikana kuenu,

I Tesalonika 5:14

Tua mi ambela dingi, jiphange, lembalesenu oso a juuala, imonha a bazedienu, suinisenu oso a toloka miẋima, kuatekesenu oso a bhuila mu kuxikana, athu a lendukidienu ene oso.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 6:11

Tuinda enu oso mu idikiza muanu uenʼiú mu kutambula ioso i mua dielela katé mua zubha.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 3:19

Kiene ki tu kʼijidila kuma tua tokala o kidi kia Nzambi. Bhene ue bhu tu ijidila kuila miẋima ietu ia kondama bhu pholo ia Nzambi.

I Nzuá 5:7

Mbata sai kitatu a bhana umbangi mu diulu: Ni Tata, ni Diambu, ni Nzumbi Ikôla; ene kitatu kiâ a di bhanga Umoxi.