Kolose 2:16 - O Mikanda Ikola

¹⁶ Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.

Kolose 2:16 ပူးပေါင်းရင်းမြစ်များ

II Jisobha 4:23

Muene-phe, uixi: Eie u ila-hi lelu kua muene? Ki bhu mbeji ia thethama, ki bhu kumbi dia sabhalu. Muhetu-phe, uixi: Ki kʼidi kima. Ima ioso ialʼé muene kiambote.

I Malunda 23:31

Phala ue kubhakula jinga o ujitu ua jisata ja kuoha ua Jihova mu jisabhalu joso, ni mu jimbeji ja thethama, ni mu ionge ia ujitu, mu ku i alula, kala kiatokala mu ifua iê, izuua ioso bhu pholo ia Jihova.

II Malunda 31:3

Ku jimbongo ja sobha ue ua xindi-ku mbandu phala o jisata ja kuoha, mbé o jisata ja kuoha mu kimene ni mu ngoloxi, ni jisata ja kuoha mu jisabhalu, ni bhu mbeji ia thethama, ni bhu izokola, kala kia ki soneka mu kitumu kia Jihova.

Nehemiia 10:31

ni kuila, akua ixi ki a bheka uenji uoso-uoso mu kizuua kia sabhalu, mba mu izuua ia kizokola, ni jimbundu joso-joso ja kusumbisa, etu ki tu sumbu-nâ kima mu sabhalu, mba mu kizuua kiòkole; ni mavu, etu a kudima, mu muvu ua kasambuadi tua nhohesa, ki tu bhingi-mu ku tu futa dikongo dioso-dioso.

Nehemiia 10:33

mbé kusumba o jimbolo ja munôno, ni mubhaku ua musa kizuua ni kizuua, ni sata ia kuoha kizuua ni kizuua, ni sata ia jisabhalu, ni ia jimbeje ja thethama, ni ia izuua iangene, ni ima iòlumbile, ni ia jisata ja kiluuluilu kia ituxi, ni ja kuluulula Izalaiele ioso, ni kubhangesa kikalakalu kioso mʼonzo ia Nzambi ietu.

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Jisálamu 42:4

Kienhiki ngʼila ki xinganeka, muẋima moxi ua ngi botomoka; kioso ki nga kexe mu kuila kumoxi ni kifuxi, nga mu ia ni akuetu mʼonzo ia Nzambi, ni dízui dia ngalasa ni kuximana, tua vulu tuala mu bhanga fesa!

Jisálamu 81:3

Xikenu o mbungu ia mbeje ia thathama, ni ia mbeje iaii kiá ku mulundu, kizuua kietu kia fesa, kieza-bhu!

Izaía 1:13

Kana dingi kuiza mu titidila mu malumbu mami; kana dingi ku ngi bhekela maujitu ma kingoho; o fumasa ienu, phalʼeme, nga i kiti ufusa: ni jimbeje jathethama, ni jisabhalu ja kunhoha, ni kubhongolola o ionge; ki ngi tena kuxididikila jifesa ja ituxi, né kiá o ionge ienu ia ujitu.

Izekiiele 4:14

Eme bhenhobho, anga ngʼila: Àhá! Jihova, Jihova, tata! Tala, muenhu uami ki u di kasanesa, mukonda nuka ngi dia kima kia di-fuila mba a ki kuata ku iama, tundeʼami undenge ʼté kindala; mba ngó xitu ia ibha i bokona mu kanu diami! Kikola!

Izekiiele 45:17

O kilamba muene ua kà lunda o mibhaku ioso ia jisata ja kubhakula ni túbhia kua Jihova, ni mibhaku ia mákudia, ni ia mákunua, ni izokola ioso mu jimbeji ja thethama, ni mu jisabhalu, ni mu ionge ioso ia ujitu mu muiji ua Izalaiele; muene, muene u bhanga o kiamenga kia ituxi, ni kubhakula o ujitu ua mákudia, ni sata ia kubhakula ni túbhia kua Jihova, ni jisata ja uembu, mbé o kubhanga o kiamenga phala o dibhata dia Izalaiele.

Ijila 16:31

Ikale-phe sabhalu ia dinhohenu phala enu; mienhu ienu-phe kibhinga mu i nhohesa; kijila kiki ki xialela katé ku hádia.

Amoji 8:5

Anga muamba, muixi: O mbeji ia thethama ia kà bhita kizuua kuẋi ni tu sumbise o jimbundu jetu ja tiliku? O sabhalu ue iza kithangana kiebhi, mbé tu jikule o inganja ietu ia tiliku, ni kutununa o kizongelu kia efa, tu vudise ku xikulu, tu bhange ungulungumba ni jipezu ja mangonha ja kufumba na-ju athu.

Dialuilu 10:10

Kizuua ue kia kusanguluka, ni izomba ienu ia mi xindi, ni ki thethama mbeji, mu xika ue jikoloneta ku thandu dia jisata jenu ja kuoha, ni jisata jenu ja matululuku; ji kale ja ku mi lembalesa Nzambi: Kuma eme Jihova Nzambi ienu.

Matesu 15:11

Kima ki bokona mu kanu, ki kiene ki xidisa muthu; inda ki tunda mu kanu, kiene ki xidisa o muthu.

Marku 7:19

mukonda ki ki bokona mu muẋima, maji ki bokona mu mala, anga ki tundila bhoxi? Mu kuzuela kiki, Jezú uambe kuila makudia oso muthu u tenʼê ku a dia.

Jipoxolo 15:20

Inda tu a sonekena ngó mukanda kuila, kadie jinge kúdia kua kasana, o kúdia xitu iojibhe anga a i satela itèka. Tu a tangela ue kuila, a lenge undumbu, ni kúdia xitu ia kiama kiokhuenhe, mba ue kúdia manhinga.

Loma 14:10

Eie-phe uelêsela-hi phangʼ iê? Mba phangʼ iê, u mu tobhesela-hi? Kuma etu-ene-oso hádia tua kèmana bhu pholo ia Nzambi, phala Muène ku tu fundisa.

Ngalásia 4:10

Phala-hi dingi mua bhindamena kubhana ujitu ku izuua imoxi-mu, ni jimbeji, ni jithembu, ni mivu?

Kolose 2:20

Se o Kristu mua fuila-nê kumoxi, jindonda ja mu ngongʼ umu mua ji ehela-ku kiá. O kiki-phe mu alukila-hi dingi ku ima ia mu ngongo, hé mu bhikila o ijila ioio iala ku mi xina o athu?

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.

I Samuuele 20:18

Jónata anga u mu ambela, uixi: Mungu mbeji ia thethama; eie-phe ka kambe ku kuʼibhula, mukonda o kididi kié ku meza kia ka kala ngoho.

I Samuuele 20:5

Davidi anga u ambela Jonata, uixi: Mungu-ze mbeji ia thethama, eme ki nga tokala ngi fula kuxikama ni muenexi ku meza; ngi bhane-phe disesa, ngiie ngi suame mu iangu katé mu kizuua kia katatu mu ngoloxi.