Kolose 2:13 - O Mikanda Ikola

¹³ Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.

Kolose 2:13 ပူးပေါင်းရင်းမြစ်များ

Jisálamu 119:50

Kiene kia ngi bhetula o muẋima mu kubhita mu jiphaxi, mukonda o maka mé, ene a ngi bhana o muenhu.

Jisálamu 32:1

Ua zedikua uoso kikuma kiê kióloloke, kituxi kiê kiabhu, a ki làmbe.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Luka 15:24

Mukonda monʼami iú ua fuile, lelu ua bhana o muenhu; ua texikile, lelu ua moneka. Anga a kuata kubhanga fesa!

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Luka 9:60

Jezú u mu ambela, uixi: Eha afi mu afi a di fûnde mudiâ. Eie-phe ndé kà tule o Njimbu ia Utuminu ua Nzambi.

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Nzuá 6:63

O Nzumbi ia Nzambi muène u bhana o muenhu; o muthu ka tena-phe kubhandulula kima. O maka iá, u nga mi tangela-nâ, a Nzumbi ni muenhu.

Loma 4:17

Kala ki ambe o Mikanda Ikôla, iexi: Eie nga ku bhange u tata ia ifuẋi iavulu. Kala kiki, o polomesa a i kuatesa kuala Nzambi, ió a mu xikana kuala Mbalahamu—Nzambi, mukua kuphaphumuna athu afu kiá, hé u bhangesa kukala ku muenhu o ima kiluua i kala-ku, anga i di bhanga muene.

Loma 6:13

Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

I Kolindo 15:36

Ioua ia hatu! Kioso enu ki mu kuna o mbutu mu mavu, ki kale ifua, phala ni i sabhuka.

I Kolindo 15:45

Mukonda o Mikanda Ikôla, iexi: Adá ia diangele-ku, a mu bhangele mukutu u bhuima. Maji o Adá ia sukidila-ku, Nzumbi i bhana muenhu.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

Efezo 2:1

Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.

Efezo 2:11

Uila kiki, xinganekenu, kuma mʼ ukulu enu mu matumbu (akua jixi jengi) mu xitu, a mi luka jinga mu akua dibôlo, kuala o Jijudé a dʼ ixana kuma akua kusaia, kusaia-phe ngó kua xitu, kuobhange ni maku ma athu ku mikutu iâ.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

I Timote 5:6

Mutudi uoso-phe ua baluka mù bhanga o jivondadi jê, ió uafu kia nè-mbe ualʼê ku muenhu.

I Timote 6:13

O kiki nga ku tendelela bhu mesu ma Nzambi, u bhana ima ioso kukala ni muenhu, ni bhu mesu ma Jezú Kristu, ua fisalele umbangi uambote bhu pholo ia Pônsio Pilatu, kuila:

Jihebeleu 6:1

Uila kiki, tu di sungienu ku pholo, ku uadiakime, o maka ma Kristu ma ku di longa-ke ma xale ku dima. Etu ki tuanda kualukila kuta dingi disesa dia maka iâ: o kudiela ibhangelu ia di fuila ni ma kuxikana Nzambi;

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Tiiaku 2:17

Kiene ue kimoxi: O kuxikanʼoko, kua bhingi ki ku moneka ima iê ia kubhanga, kua di fuila.

Tiiaku 2:20

Semenhi ia muthu! Tuma-phe ku kʼijiia, kuma: O kuxikana kua di kalela sè ima ia kubhanga, kuxikana kua ngoho.

Tiiaku 2:26

Kuma, uila ki ala o mukutu, se ua di kalela sè nzumbi, uafu; kiene ue o kuxikana, kua di kalela sè ima ia kubhanga, kuafu.

I Nzuá 2:12

Enu tuana tuami, nga mi sonekena, mukonda o ituxi ienu ièloloke mu dijina dia Kristu.