Kolose 1:29 - O Mikanda Ikola

²⁹ O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

Kolose 1:29 ပူးပေါင်းရင်းမြစ်များ

Luka 13:24

Bangamenenu o kubokuena bhu muelu ua phophama. Mukonda ngi mi ambela, sai-ku avulu a kà sota kubokona, maji a kà ki lémbua.

Loma 15:20

Nga solo muene kukola o Njimbu Iambote, ku ididi kuoso kiluua evua-ku o dijina dia Kristu, phala ki ngile kala ngala kutungila ku disesa dia tele muthu uengi.

Loma 15:30

Kiki-phe, nga mi diondo, enu jiphange mua Ngana Jezú Kristu, ni mu henda ia mi bhana o Nzumbi, mu bangâma ni eme kumoxi, mu ngi kuatekese mu kusamba kua Nzambi, mukonda diami eme.

I Kolindo 12:11

Maji iene ioso iii-phe, o Nzumbi imoxi iene ngó u i kalakala. Muene u uanena o uhete ku athu-athu kioso kia mu kala mu vondadi iê.

I Kolindo 12:6

O unjimu ua maufunu ua di tungula mu idifanganu, maji-phe Nzambi imoxi u bhana unjimu moxi dia ene oso, phala muthu ni muthu nʼ a bhange o kikalakalu kiê.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 13:3

Kienioko enu mua kà kala ni polova i muandala, kuila Kristu muène ua mu zuelela momuami. Muène-phe kia mi zuelela kène ni kubhuila, maji uidikiza kusuina kuê muʼaxaxi kenu.

II Kolindo 5:9

Maji-phe, kiala-bhu kota, ki tua bhindamena, o kuuabhela muene Ngana kiambote, kixi tu kala kunu mʼonzo iii ia mukutu uetu, kixi tu kala koko.

II Kolindo 6:5

Ene mu ku tu beta ni ku tu takuila mu jikaleia, hé a tu bhana ndumba ia malembu mu jimvunda ji salumuna o mundu. Tuene mu kalakala kinéne katé tu fula muene o kilu sè kuta dikoka ku dikanu.

Efezo 1:19

ni kioso kiavulu o kutena kuê kua mu kalakala mu ʼaxaxe ketu etu tua xikana.

Efezo 3:20

Kiki o Nzambi muenʼió ua soko-bhu kubhanga ioso i tua tena o kubhinga, ni ioso i tua tena o kubanza, nʼa te-ku dingi kiatundu kiavulu, mu nguzu iê i tu kalakala moxi,

Efezo 3:7

Iene o Njimbu Iambote ia ngi katuila kuma ngi ngunza, mukonda dia kiadi kia Nzambi kia ngi bhana mu kukalakala kua nguzu iê.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 1:30

Kuma kindala enu ue mu tena kutambula mbandu kumoxi ni eme mu ita. Mukonda o ita iene imoxi i mua muene ko kuami, iene hanji i muala ku ngʼ ivua na-iu kindala.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Filipe 2:16

Mu ku a tela o Maka ma muenhu, muenda ni kumoneka mu ʼaxaxe kâ kala mu mikengeji ia jithethe-mbua ku diulu. Se kiene ki mu bhanga, eme ue ngi kala ni kia kutela thathe bhu kizuua kiná kia Kristu. Phala ki ngà kèle kala nga huha dikanga dioso, maji nga tale ngó hadi ia hatu.

Kolose 2:1

Kuma nga mi mesena mu ijiie kioso ki ngala ku mi bhângela enu, ni akua Laodiseia, ni athu amukua oso kiluua a ngi mona pholo mu xitu.

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

II Tesalonika 3:8

Kana ue muthu tua mu dila ngó o kudia kuê, etu tua kambe ku mu futa. Maji, bhu kididi kia kukamba kukalakala, etu tua fubuka ni kututumba katé tua bhuila. Mu kukalakala, ki tu zumbuka usuku mba muanha, phala kana muthu tu mu nemena.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

Jihebeleu 12:4

Kuma mu ku di xina ni ituxi, enu kiluua mu bhânga katé mu kufua.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

Dijingunuinu 2:3

Uala u mukua muanu, ua kolokota ni kutala hadi mukonda diami, ku bhuila.