Kolose 1:27 - O Mikanda Ikola

²⁷ Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.

Kolose 1:27 ပူးပေါင်းရင်းမြစ်များ

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Luka 17:21

Kà kela, exi: Iú kuku! Mba, Iú koko! Mukonda o Utuminu ua Nzambi uala moxi dienu.

Nzuá 14:17

O mundu ki u tena ku mu tambulula, mukonda ka mu mono, ka mu ijiia. Enu-phe mua mu ijiia, mukonda mu xala-nê, u kala moxi dienu.

Nzuá 14:20

Kizuua kiókio mua kʼejiia kuma eme ngala mua Tata, enu muala mo muami, eme ngala mo muenu.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 17:26

Eme nga ejidisa o dijina dié, hanji ngi dʼ ijidisa dingi, phala o henda i ua ngi zola na-iu eme, ni i kale mua ene, ni eme-muène mua ene.

Nzuá 6:56

Uoso u dia o xitu iami, hé u nua manhinga mami, muène u xala momuami, eme ue ngi xala mo-muê.

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Loma 5:2

Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.

Loma 8:10

Maji Kristu-phe se iuué moxi dienu, kia lomboloka kuila, suke o mukutu uanda kufua kidi muene mukonda dia ituxi, phala enu-phe o Nzumbi ia Nzambi uene o muenhu, mbata enu a mi lungisa kiá kua Nzambi.

Loma 9:23

Kuma muène ua solo ue kuidikiza o unéne ua fuma iê ia lunduluila ku thandu dietu etu, a tu lendukila kuala muène, iú ua bhange mʼ ukulu munhá, phala ni tu tambule o fuma ienʼ ii.

I Kolindo 3:16

Ni kidi kiene, nga fika mua kʼijiia kuma enu muala mu Tembulu ia Nzambi, o Nzumbi ia Nzambi iú ua tungu moxi dienu!

II Kolindo 2:14

Maji Ngana Nzambi, a tane-ku! Mokonda, mu kudiongeka kuetu ni Kristu, Nzambi uene mu ku tu endesa jinga mukuâ ni athu a a kutila ku mukalatata mu kubhana o kikoue kia Kristu. Mukuâ ni ki muanganena mu ididi ioso o dizumba dia maji a mbote, kiene ue Nzambi kia mu bhanga ni etu mbé Kristu a tene ku mu ijiia kuala oso.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Ngalásia 4:19

Mu tuana tuami, tata! Mukuâ ni mama ia suku-bhu, nga mi katela dingi mika ia kuvuala. Ngi kuata muene kutala hadi, katé Kristu kia di bhanga moxi dienu.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 2:22

Mu kieniiki, enu oso ue mua tunguia mua Kristu kumoxi ni akuenu oso mu kukala dibhata dia Nzambi, mua tena kubhanga kibuta kiê mu Nzumbi.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

Kolose 1:5

Kioso o ngolokela ia kidi, ia Njimbu Iambote, ki ia bhixila lua dianga kokuenu, kienhokio kiene ki muevua ue ku mi zuelela o kudielelʼ oko kuijiia ku Ngimbu Iambote. Kala kiki, o henda ni kuxikana ku muala na-ku kua tundu mu kidielelu kiokio ki muala na-kiu, kia kudielela ima ioio ia mi lundila mu diulu.

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

I Timote 1:1

Eme Phaulu, Poxolo ia Kristu Jezú, mu kijila kia Nzambi Mubhuludi uetu, ni Kristu Jezú kidielelu kietu,

Jihebeleu 6:19

Kudielela kua kidi, ku kuatesa mienhu ietu mukua ni ombua ia naviiu. Kuene kua kuata, kua kolo, ku bhixila katé kuema dia kibatulu kia tembulu mu diulu, anga ku bhita katé moxi dia kididi kikôla.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.

Dijingunuinu 3:20

Talesa! Ngemana bhu muelu ni kuṗhuṗha. Se muthu u ívua dízui diami, nʼa ngi jikuila dibhitu, ngi bokona mʼonzo iê hé ngi seiala-nê, ni muène ni eme.